(2)
في الوقت الحالي
تسنيم : ياااا حاجه نحن هنا .. ايه روحتى فين
احلام : انا موافقه اتجوز حمزه
تسنيم وثريا : ها
احلام : زي ما سمعتوا قوليلوا يا طنط لقيت واحده تقبل بيك
تسنيم : لا انتى بتهزري ده متجوز
احلام : كان متجوز .. طنط ثريا كلميه بعد اذنك
ثريا : بس مامتك يابنتى
احلام : كلميه يا طنط بعد اذنك
ثريا : يابنتى متخليش شكلي وحش قدام الراجل
تسنيم : بطلي جنان شويا هترمي نفسك في الجحيم بأيديك
احلام : ما انا كده كده في جحيم هتفرق ايه يعنـى.. انا لو متجوزتهوش هتجوز واحد تانى معرفهوش ومبحبهوش
تسنيم : حوشي يابت ده اللي واقعه في غرامه اوووي ياعنى .. ماما دي مجنونه سيبك منهـا
احلام : علي الاقل هربي نونه يتيم ..هاخد ثواب .. وفي حاجه هتصبرنى علي اللي هبقي فيه .. لو ليا معزه عندكـوا كلموا دلوقتى
ثريا : اخر كلام ..
احلام : (بصت لتسنيم وكأنها بتتحدي حد ) اخر كلام
ثريا : طيب يا بنتى زي ما تحـبي
احلام : يلا انا لازم امشي بقي
تسنيم : ما لسه بدري اقعدي شويا
احلام : هنزل اتمشي شويا ..
تسنيم : ليه بقي
احلام : محتاجه اشغل وقتى بأي حاجه
تسنيم : طيب يا حبيبتى لما توصلي رنيلي
ثريا : بس خلي بالك لو اتجوزتى حمزه هتشيلي المسئوليه بدري
احلام : مش يمكن هو ميوفقش بيا
تسنيم : وليه ان شاء الله هو يطول واحده في السن ده ولسه متجوزتش وترمي نفسها الرميه السوده دي
ثريا : بس حمزه مش وحش
تسنيم : واحلام يا ماما لسه صغيره
احلام : صغيره مش صغيره .. انا حبيت واحد وراح لحاله .. ومش هحب تانى
تسنيم : طمنينى عليكي لما توصلي
احلام : طيب .. وميرسي يا طنط بجد
ثريا : ع ايه يابنتى .. ده انا هشيل همك كده
احلام : متشليش هم .. انا بجد مقتنعه باللي بعمله
ثريا : اللي فيه الخير ربنا يقدمه
احلام : يلا سلـام
^^^^^^^^^^^^^^^^^^^^^^
اميمه : داده اشرقت .. ياداده
داده اشرقت : نعم ياست هانم
اميمه : كنتى فين
داده اشرقت : بنيم الولد
اميمه : ونام
داده اشرقت : غلبنى والله ياست هانم ..يلا الحمدلله
اميمه : (حطت ايديها علي كتفهـا ) انا هكفئك علي تعبك اللي بتبذليه معانا ده يا داده .. بصي انا هعليلك مرتبكـ بس متزعليش انا هجيب خدامه تاني تساعدك
داده اشرقت : الله يسمحك ياست هانم ده انا اخدمكم بعنيا ولا اشتكي ابدا
اميمه : يا داده انتى مش خدامه عندنا انتى واحده مننا .. وانا بخاف عليكي ولا علي صحتك واحنا كبرنا مبقناش صغيرين ومحتاجين راحه
داده اشرقت : اللي تشوفيه ياست هانم
اميمه : متخفيش مرتبك هيزيد عن الاول وشغلك هيقل انتى هتبقي مسئوله عن كل حاجه في البيت ده
داده اشرقت : متحرمش منكوا ياست هانم
اميمه : انا هكلم الشوفير يشوفلنـا بنت تشتغل
*************
حمزه : هاتلي يابنى الملفات اراجعهم وكلملي المحاسبه في فلوس طالعه من الخزنه بدون علمي
- الست هانم والده حضرتك هي اللي سحباهم
حمزه : طيب ناديلي مدير الحسابات
- اوامرك يا فندك
السكرتيره : ف واحده عاوزه تقابل حضرتكـ
حمزه : مقالتش مين
السكرتيره : لا يا فندم
حمزه : داخليهـا .. اهلا اهلا .. ازيكـ وحشانى والله
منه : زعلت اوووي ع اللي حصـلكـ يا حمزه ونزلت اوام مصـر اطمن عليكـ واشوفكـ
حمزه : فيكي الخير من ايامـ الكليه والله
منه : بس الخير ده مش مع اي حد صدقنـى
حمزه : تشربي ايه
منه : عصير مانجا.. فاكر يا حمزه
حمزه : (ابتسم وكلم السكرتيره تجيب العصير وحط تانى السماعه ) قوليلي ايه اخباركـ
منه : واحشنـى بس .. احكيلي ايه سبب العجز اللي حصلكـ ده
حمزه : (بص ع رجله وبضيق اتنهد ) سيبك منى احكيلي .. ايه اخباركـ ف الغربه
منه : والله يا ميزو مافيش جديد بس بقيت ديزينر مشهور ف لندن .. بتشوف الاعلانات
حمزه : طبعا .. وبقول ياااه يا زقرده اتشهرتى امتى كده
منه : عشان تعرف بس يا ميزو ان منون بيجي من وراها حاجات محدش يتخيلهـا
حمزه : انتى هتقوليلي
منه : صحيح البقاء لله
حمزه : ونعمه بالله .. قل لا يصيبنا الا ماكتبه الله لنـا
منه : عندكـ حق بس اكيد فراقهـا موجعكش اووي .. انت كنت متجوزهـا عشان ترضي اهلكـ فاكر ولا نسيت
حمزه : دي بنت خالتـى اللي ياما ضحكنـا وهزرنا سوا .. لو فراقهـا موجعنيش لانهـا مراتى اكيد وجعنـى لانى خسرت صاحبه وبنت خاله
منه : قلبكـ طيب منه يومه يا ميزو .. (لفت ناحيته وقعدت ع المكتب ) ايه رأيكـ نخرج اليومـ هفسحـكـ وهغيرلكـ مودكـ خالص
حمزه : بس انا ف الحال ده مبعرفش اخرج
منه : نقول للشوفير يوصـلنا .. بجد هتتبسطـ هوديكـ مكان تحفه انت بتحبه
حمزه : فين !!؟؟
***************
حمزه ومنه داخلين كافيه
حمزه : ياااااه يا منه .. انتى بعد غيبتكـ الطويله لسه فاكره ايامـ كليتنـا
منه : مش هقدر انسي المكان اللي كنا بنتحمع فيهـ
حمزه : طلعتـى لئيمه يا منه ههههههههه بس بجد المكان لسه زي ماهو متغيرش
منه : لا اتغير .. بقينا فيه انا وانت بس لوحدينـا
حمزه : انتى بقيتى جريئه كده من امتى
منه : ههههههههههههههههه (وغيرت الموضوع ) تشرب ايه
حمزه : قهوه
منه : تؤ مش قهوه (بتبص للجرسون ) اتنين فراوله
حمزه : (حط ايده ع وشه ودور وشه الناحيه التانيه ) والله مجنونه لسه فاكره كمان كنا بنشرب ايه
(حمزه بيبص جمبه لقي واحده قاعده جمب الازاز وبصه منه ع النيل وسرحانه )
احلام كانت بتتنهد بصمـت وبتفكـر ايه مصيرها مع حمزه ده ؟
حمزه اعجب ببراءه احلامـ وحزنهـا ف وقت واحـد وازاي حد رقيق كده يبقي مليان بالحزن ده ؟ فعلا الحلو مبيكلمش
احلام دورت وشهـا لقت حمزه باصص لهـا بصت بقرف ورجعت تانى تبص ع الشباكـ
حمزه اتحرج رجع بص لمنه : ها كنا بنقول ايه
منه : عجباكـ
حمزه : ها
منه : اصل عيب لما يكون ف واحده جمبكـ وتبص ع غيرها
حمزه : منه انتى فهمتى غلط
منه : طيب خلاص انسي
احلام جالها تليفون
امنيه : احلامـ انا سبت زياد
احلام : نعمـ !! ليه عملتى كده
امنيه : عشان خايفه
احلامـ : اقفلي يا امنيه .. انا جايه حالا
ونفخت ولمت مفاتيحها وشنطتها وقامت وكان حمزه بااصص عليهـا
خلص حمزه قعدته وراح تانى ع الشركه يشوف ايه الامور هنـاكـ ويروح الاجتماع وياخد حاجته ويروح
**************
اميمه : داده انا مسافره خلي بالك من وسـام حطيه في عنيكي
داده اشرقت : تروحي وترجعلنا بالسلامه ياست هانم .. هاتى عنك
اميمه : لا ياداده .. عثمان هيشلهم لحد بره
داده اشرقت : طمنينا علي البيه
اميمه : يوصـل
وسام بدأ يعيـط
داده اشرقت : حاضر يا حبيبي جايه اهو.. ياضنايا يابنى
داده اشرقت : انت عامل بي بي تعالي انا هغيرلك وانضفـكـ وهأكلكـ مام كمان استنى يا حبيبي خليك هنا اجبلكـ الغـيار بتاعكـ
للاسف داده اشرقت وهي نازله علي السلم بسرعه اتكعبلت واتزحلقت
قعدت تصرخ وتنادي علي عثمان ... كل همها تلحق وسـام
عثمان : ايه ده يا داده .. ايه وقعك كده
داده اشرقت : الحقنى رجلي هتموتنى
عثمان : قومي قومي .. اتسندي عليـا
داده اشرقت : اتصل بأبنى حمزه .. خليه يجي بسرعه مش عارفه اعمل حاجه لوسـامـ
عثمان : تعالي طيب اقعدي هنـا
عثمان كلـم حمزه وحمزه اتصل بصفاء
حمزه : صفاء .. ارجوكي انا خلاص مش قادر وفاض بيـا .. روحي البيت الواد هيموت مننا ومن اهمالنـا
صفاء : اهدي ياحمزه بس .. انا رايحه حاضر .. بس في ايه
حمزه : والنبي ما وقت رغي .. الواد لوحده وداده اشرقت وقعت من ع السلم .. الحقينى والنبي ياصفاء
صفاء : طيب سلام سلام
السكرتيره : الاجتماع جاهز يا استاذ حمزه
حمزه : (بعصبيه) الغي كل المواعيد والاجتماعات النهارده واي حد يسأل عليـا قوليلو حمزه مات فاهمه خديلي اجازه شهر
السكرتيره : والله انا مافاهمه حاجه .. معرفش ليه بقي عصبي كده ..اووووف
**************************
حمزه مروح البيت بسرعه
الشوفير : براحه يابيه اساعدك
حمزه : (كان اول مره يحس بالعجز ) نزلنى بس من العربيه
الشوفير : تحت امرك ياباشا
صفاء وصلت البيت للاسف متأخر
كان عثمان مدي للداده وسام قعده بيه في الاوضه والواد ياعنى من كتر العياط والصريخ وشه احمـر ومبقاش قادر ياخد نفسه
صفاء : ياحبيبي بس بس .. هووووش خلاص عمتو جت اهي خلاص
حمزه داخل وراها وبيحرك الكرسي : وسام فين وسام
صفاء : تعالي يا حمزه احنا هنا
حمزه : (اول ما دخل خد ابنه في حضنه وعنيه دمعت ) اسف ياحبيبي .. معرفتش احافظ علي ماما .. بس وعد منـى اجبلك ماما تاخد بالها منـكـ
الموبيل بيرن
حمزه : الو
ثريا : ازيك ياحمزه عامل ايه دلوقتى
حمزه : زي الزفت والله يا طنط
ثريا : ان شاء الله كل حاجه هتتحل وقريب اوووي كمان
حمزه : (حرك الكرسي وخرج بره وقفل الباب ) مش فاهم
ثريا : بنت حلال والله يا حمزه عندها 22 سنه ولسه متجوزتش واسمها احلام
حمزه : وهي واحده زي دي هتوافق ازاي
ثريا : سيب الموضوع ده عليا انا انا هقنعهالك
حمزه : طيب مش لازم اشوفها الاول
ثريا : بعد بكره عندي في البيت تعالي وانا هجبهـا
حمزه : هتاخد بالها من ابنى يا طنط
ثريا : انا مشوفتش في طيبه قلب احلام يا حمزه بنت غلبانه اوووي
حمزه : طيب هكلمك بكره واشوفك عملتى ايه
ثريا : ماشي يا حبيبي
تسنيم : اللي بنعمله ده صح
ثريا : البت هترمي نفسها في اي جوازه وخلاص .. يبقي بدل ما تتجوز كده وخلاص تربي الواد اليتيم ده
تسنيم : حاسه ان اناا برمي صحبتى في الجحيم بأيدي
ثريا : وحمزه مش وحش يا تسنيم .. غلبان اوووي هو كمان
*********
احلام راحت البيت ودخلت لاختهـا
امنيه اول ما شافتهـا حضنتهـا
احلام : مالكـ بس يا حبيبتى
امنيه : سبته خلاص يا احلامـ
احلامـ : ليه يا امنيه بس
امنيه : خايفه اتوجع زي ما اتوجعتـى .. خايفه يسبنـى وارمي نفسي ف جوازه غصب عنـى
احلامـ : يعنـى كده مش موجوعه يا امنيه
امنيه : موجوعه اوووي يا احلامـ .. زياد كل حيـاتى بس كلهمـ كلامـهمـ واحد
احمد كان بيقول نفس الكلامـ
احلام : صوابعكـ مش زي بعضهـا يا مونى
امنيه : انا خايفه اوووي يسبنـى يا احلامـ .. خايفه يجرحنـى وانا مش هقدر اتحمـل زيكـ ..
احلامـ : بس يا حبيبتى اهدي اهدي خلاص بقي
امنيه : هو انا كده جرحـت زياد
احلامـ : وجعتيه اووي كمـان
امنيه : اعمل ايه يا احلامـ قوليلي اعمـل ايه
احلام : اصبري ياحبيتى وربنا هيفرجهـا من عنده
*************
صفاء : بتكلم مين
حمزه : مش مهم .. انا عارف انى بتقل عليكي بجد .. بس قريب الموضوع هيتحل
صفاء : لقيت عروسه
حمزه : حاجه زي كده .. ممكن طلب
صفاء : ايه
حمزه : تخليكي بايته جمب وسام .. انا زي ما انتى شايفه بطلع وبنزل بالاسانسير وداده اشرقت رجليها ورمت
صفاء : من غير ما تقول .. انا عمه وسام يعنى زي ولادي
حمزه : ربنا يخليكي ليا يا احلي اخت
******************
احلام : مساء الخير يا ماما
سحر : مال وشك منفخ ليه ورينى عنيكي كده
احلام : مافيش ياماما ..
سحر : لو تعرفي قلبي بيوجعنـى عليكي قد ايه لما بشوفك كده مش هتعاملينى كده
احلام : انا تعبانه اووووي يا ماما
سحر : سلامتك يا حبيبتى من التعب يارب امك وانتى لا
احلام : مش قادره اتخيل انهم سوا في بيت واحد قلبي بيتحرق يا امي .. انا بموت
سحر : (عيطت ) كفايه يا احلام كفايه يا بنتى
احلام : زعلانه اوووي علي نفسي اللي ظلمتها معاه .. ليه نسي ايامنا واتجوز .. طيب كان سبنى من غير ما يجرحنى كده
احلام مقدرتش تمسك نفسها من كتر العيـاط
دخلت اوضتها وقفلت الباب
قعدت تقطع في كل صورهم سوا وتمسح صورهم من علي اللاب ومسكت الجيتـار بتاعهـا وقعدت تعزف
وتغنـى ( كن منصفا يا سيدي القاضي تخوننى لغتى والفاظي ان الذي امامك الان .. اشبعنى ظلما وحرمانا انا حالة فال لها يرثي حتى نسيت بأننى انثي *دللتها * دللتنى ؟؟ دمرتنى انت .. اهملتنى انت .. انت انت عذابي .. انت انت همومي .. ونسيت قسوته .. وقولت له .. حبيبي دع الماضي وقبلنى قبلنى بين ذراعيك انا انا انا انا الكل وانا ليا الحاضر والاتى
الباب بيخبط
امنيه : ادخل
احلام : (بتمسح دموعها ) ادخلي
امنيه : صوتك حلو اوووي والاغنيه شدتنى .. ممكن تغنى بقي حاجه تاني
احلام : تحبي اغنيلك ايه
امنيه : اي حاجه بصوتك الحلو ده
احلام : ممممم اوكي .. انا لــــــك علي طــــــول خليـــك ليــا خـــد عنيى منى وطـل عليــــا وخد الاتنيــــن واسأل فيـاااا شاركتها امنيه في الاغنيه
من اوووووول يوم راااااااااح منـــى النـــــوم انا لــــــك علي طول خليك ليــا
امنيه & احلامـ : هههههههههههههههه
امنيه : صوتك حلو اوووي يا احلام
احلام : ياريت حظي يبقي زي صوتى ..
امنيه : وهيكون احلي بكتير صدقينى
احلام : بجد
امنيه : بجد جدا
احلام : انا هتجوز يا امنيه
امنيه : بس ماما لسه مكلمتش العريس ووافقت
احلام : لا مش ده هتجوز واحد اسمه حمزه
امنيه : ده انتى تعرفيه منين
احلام : زي ما عرفته بقي .. يلا سبينى وقومي نامي وانا كمان عاوزه انام
احلام مسكت موبيلها وكلمت احمد هي متعرفش ايه اللي بتعمله ده .. بس في ساعتها مسمعتش غير كلام قلبها من غير حتى ما تفكر
بترن علي احمد
احمد : الو
احلام : كنت هموت واسمع صوتكـ
احمد : احلام .. متتصليش هنا بجد مش عاوز مشـاكل
احلام : انا هتجوز يا ااحمد
احمد : ايه هتتجوزي مين
احلام : هيخصـك
احمد : لا يا احلام .. ايـاك تعملي كده
- حبيبي بتقول حاجه
احمد : لا ياحبيبتى انا جاي اهو .. سلام دلوقتى يا احلام .. اياك تتجوزي انا بقولك اهو
احلام : (قفلت ومش مصدقه احمد قاعد مع غيري ودلوقتى سوا كانت لاخر وقت كان فاكره انه لسه ليها ورمت الموبيل في المرايا كسرتهـا ) انا بكرهك يا احمد بكرهك وهتجوز عشان انتقم منكـ مخصوص
سحر وامنيه قاموا مخضوضين
سحر : سمعتى ده
امنيه : كأن حاجه اتكسرت صح
سحر : خير يارب .. احلام يا احلام
دخلوا لقوا احلام قاعده علي الارض وماسكه الازاز وعاوزه تعور بيه نفسهـا
سحر : يانهار اسود ... احلام هاتى من ايديك يابنتى .. عاوزه تعملي ايه في نفسك بس .. كفايانا مصايب .. قومي معايا يابنتى قومي يا ضنايا .. لمي يا امنيه الحاجه دي
امنيه : حاضر يا ماما
احلام : (منهاره من العياط ) بتنادي عليه وبيقولها حبيبتى بيقولها حبيبتى يا امي وبيقولي انا متعملليش مشاكل .. انا اللي كنت حبيبته انا مش هيا
سحر : انتى كلمتيه تانى
احلام : مكنتش قادره اصدق انه بجد اتجوز كنت بكذب نفسي
سحر : كفايه بقي اللي بتعمليه ده
احلام : نيمينى ياماما نيمينى في حضنك بنتك موجوعه اوووي قاتلنى ودبحنى بسكينه بارده
امنيه وهي بتلم الحاجه وقفت وقعدت تعيط علي حاله اختها
احلام : جوزينى لاي حد يتقدملي ياماما .. عاوزه اوجعه زي ما وجعنى
سحر : بس خلاص خلاص نامي يلا يا حبيبتى انتى في حضن ماما محدش هيوجعك ولا هيجرحك تانى صدقينى
احلام : مافيش حب زي حبك ليا يا ماما
امنيه رمت الازاز علي الارض : خدونى في حضنكـوا
سحر : تعالي يا حبيبت ماما
نامت سحر وهي حضنه عيالها الاتنين ومطمناهم
***************
حمزه راجع بليل وداخل البيت
اطمن علي وسام لقي صفاء ووسام نايم فيي حضنهـا غطاهم وخرج
لقي في وشه داده اشرقت : عامله ايه دلوقتى
داده اشرقت : موجوع قلبي عليك وعلي ابنك
حمزه : (طبطب عليها ) كله بيعدي صدقينى
داده اشرقت : يارب يرزقك بوحده تسعدك وتسعد ابنك
حمزه : اللي كانت بتسعدنا راحت
داده اشرقت : (بعد ما حمزه نزل الاسانسير وطلع فيه ) ربنا يشيل من علي قلبك
*******************
تانى يوم كل البيت نايم في هدوء
وصوت صريخ
وسام بيعيط
صفاء : (قامت مفزوعه ) ايه بس ياحبيبي مالك يا حمزه ياحمزه
حمزه : الواحد لو نام شويا عدل يحصل كارثه
دخل حمزه الاوضه بتاعت وسام : ماله
صفاء : معرفش بيصرخ كتير ليه .. انا محصلش كده مع عيالي
حمزه : نودي للدكتور
صفاء : هنقول للدكتور بيصحي يصرخ اي طفل اكيد بيصرخ .. بس انا كنت بعرف اسكتهم ده مش عارفه اسكتـوا
الموبيل بيرن
صفاء : (ماسكه وسام عماله تهز فيه وبترد ) الو .. ايه مالهـا .. من امتـى .. طيب انا جايه حالا
حمزه : في ايه
صفاء : يمنى سخنه اوووي وبترجع من امبارح .. اسفه يا حمزه لازم اروح
حمزه : طبعا يا صفاء .. روحي وطمنيني .. اجي اوصـلك
صفاء : لا هاخد تاكسي بسرعه
حمزه : طيب طمنينى ها
صفاء : طيب
حمزه بص لوسام : مهما كان دي ام ومينفعش تشوف حد من عيالها تعبان .. عارف يا استاذ وسام لو ماما كانت عايشه .. كانت عملت كل حاجه عشان تسكتك ومتعيطش وقعدت تلعبك .. بس مش مهم .. بابا موجود .
***********************
سحر : صباح الخير
احلام : صباح النور
سحر : يلا انا ومونى حضرنا الفطار وهنخرج اليوم ونغير جو ايه رأيك
احلام : لا كسلانه اوووي واحتمال تسنيم تيجي
سحر : وماله تيجي تخرج معانا
الباب بيخبط
احلام وسحر بصوا علي الباب
احلام : اهي تلاقيها جت
امنيه : (بتفتح الباب ) حبيبي تعالي
تسنيم : نايمين ولا ايه
امنيه : لا صاحين من بدري الكسلانه بس اللي لسه ماما بتصحيها
تسنيم : (داخله بتخبط ) ينفع ادخل
سحر : اهلا يا حبيبتى تعالي
امنيه : يلا طيب نقوم نفطر كلنا في الفراندا
تسنيم : الله ياريت انا جعانه
احلام : انت همك ع بطنك .. جايه تاكلي حضرتك
سحر : وماله ياختى تاكل براحتهـا
سحر وامنيه خرجوا يجهزوا الحاجه وتسنيم جت تخرج
احلام مسكت دراعها : عملتى ايه
تسنيم : (ضمت حواجبها بمعنى مستغربه او مش فاهمه )
احلام : كلمتي حمزه
تسنيم : اه كلمته .. وقولناله قومي بس ونتكلم بعدين
احلام : طيب جدعه .. هاخد دش سريع وخارجه
خرجت احلام ولمت شعرها وقعدت في الفراندا وقعدوا ياكلوا وبعدين موبيل احلام نور .. بتبص فيه لقته مسدج
سحر : (بصت لاحلام واحلام بصت بكسوف كأنها عامله عمله ومامتها فهمت ) مين يا احلام
احلام : مسدج من اتصالات (بتفتح المسدج .. )*مش هسمحلك تتجوزي غيري فاهمه *
سحر : ربنا يهديكي يابنتى
تسنيم : مال موبيلك متخرشم كده ليه
احلام : وقع منى امبارح (ردت بمسدج ) ..ياريت تحترم الست اللي جمبك دي .. ويبقي فيك ذره واحده رجوله
سحر : وانتى بتردي علي مسدجات اتصالات
احلام : جرا ايه يا ماما .. احمد اللي بعت المسدج خلاص
سحر : وهو عاوز ايه تانى منك
احلام : انا مش هسمحله يعوز خلاص بكفايه اووووي اللي حصلي منه
سحر : ياريت اعرف اصدقك
تسنيم : جرا ايه يا جماعه وحدوا الله .. يلا يا احلام كلي
***********************
بعد الاكل قعدت احلام وتسنيم يحكوا
احلام : خلاص هاجي بكره
تسنيم : انتى هتيجي وهتعملي من بنهـا .. متعرفيش حاجه .. احنا كمان هنقول قداممه انك رافضه وبعدين توافقي
احلام : ايه الجو ده لا طبعا انا مش بلبس وش غير وشي ... اللي في قلبي هيطلع وانا من دلوقتى موافقه هو بس اللي عليه يوافق
تسنيم : بقي حمزه فارس احلامكـ
احلامـ : فارس احلامي خد واحده غيري علي الحصان الابيض وطار
تسنيم : ازاي هتعرفي تنامي جمبه بليل ومتفكريش في غيره
احلامـ : اصلكـ ياعيني عبيطه
تسنيم : مش فاهمه
احلامـ : معتقدتش ان واحد زي حمزه ده هيرضي .. ده عاوز واحده مربيه لابنه مش ليه فاهمه
تسنيم : لا
احلام : يعنى يا ذكيه .. مراته لسه ميته من اسبوع وكام يوم .. ايه هيتجوز واحده اوام كده وتربه مراته منشفتش
تسنيم : اممممممم فهمت .. بس يمكن يتجنن ويتجوزك ما انتى مراته
احلام : بس كلامـك عن شخصيه حمزه بتبين انه مش كده .. وده اللي خلانى موافقه عليـه .. انى مش هعمل حاجه غصب عنـى ..
تسنيم : يااااا علي دماغكـ
احلام : هو انا بقي فيا دماغ اصلا
****************
يوم حمزه كله شايل وسام من اوضه لاوضه وعمال بيسكت فيه وداده اشرقت بتضغط علي رجليها بصعوبه وماشيه جمبهم وطلعوا قاعدو في الجنينه
حمزه : بكره هشوف واحده تتجوزنى
داده اشرقت : عين العقل يا ابنى
حمزه : تفتكري ميسا هتزعل
داده اشرقت : دي كانت وصيتها متنساش
حمزه : عندك حق
داده اشرقت : واللي في الخير ربنا هيقدمه
حمزه : يارب بس توافق عليا
داده اشرقت : ده انت ست الستات تتمناك
حمزه : اديكي قولتي ست الستات وهي ست البنات يا داداه
داده اشرقت : هي صغيره
حمزه : 22 سنه
داده اشرقت : ياعينى .. (كانت في نفسها تقول لا حرام بس رجعت سكتت عشان متحسسش حمزه انه معيوب ) ان شاء الله توافق
**********************
احلام : شوفي كده هيجي امتى .. واانا هكون عندك قبلها
تسنيم : ماشي بس يارب الموضوع يمشي ع خير
سحر : (واقفه علي الباب ) موضوع ايه يا بنات
تسنيم : (بتهوه الموضوع ) ولاحاجه ياطنط دي احلام كاـنت
احلام : (قاطعتها ) ده عريس يا ماما .. حمزه .. متجوز وعنده نونو
سحر : احلام انتى ناويه تشلينى ارميكي لواحد متجوز
احلام : وانا موافقه عليه فيها ايه دي
سحر : علي جثتى
احلام : يلا انتى يا تسنيم .. وابقي عرفينى الاخبار
سحر : احلام انا بتكلم
احلام : سيبه احلام في حالها بقي
سحر : يابنتى انتى واعيه للي بتعمليه ده
احلام : جـــــــدا
سحر : يبقي اتجننتى .. تعالي يا امنيه اختك اتجننت
احلام : حمزه ابن حلال .. مراته ماتت وهي بتولد وعاوز واحده تربي الواد وهو مكملش اسبوعين الواد
سحر : (مفرقش معاها ) ياستى مايولع ولا يغور
احلام : مهما قولتي انا هتجوزوا خلاص
**********************
اليوم الموعود
حمزه وصل تحت العماره
وطلع سلم عليهـم وقعد وشربوا قهوه كمان
ثريا : ايه يابنى خاسس ليه كده
حمزه : والله تعبت يا طنط معرفش اعمل ايه ولا ايه .. انتى عارفه سبت وسام مع مين
ثريا : مين
حمزه : عثمان السفرجي
ثريا : ياضنايا .. بكره تتجوز احلامـ وتربيلك الواد ومتشلهش هم
حمزه : يارب توافق بس
ثريا : هي موافقه (وغمزتله )
الباب بيرن
تسنيم : اكيد دي احلام
حمزه : (باصص في الارض ومكانش عنده فضول يعرف مين دي اللي هيتجوزها بص عليهـا بص عليهـا بصه انه شافهـا قبل كده )
احلام اول ما دخلت اتفجأت انه مشلول هي كانت حاسه ان حظها زفت بس مش اوي كده
ثريا : احلام .. حمزه .. حمزه .. احلام
حمزه : اهلا وسهلا
ثريا : نسيبكوا تتكلموا علي راحتكـوا
احلام : (اول ما تسنيم وثريا قاموا هي قاعدت ساكته وحمزه فضل ساكت حوالي 10 دقايق )
وبتاخد نفسها بصوت وبصتله : انا موافقه
حمزه : (ضم حواجبه بمعنى استغراب )
احلام : موافقه اتجوزك يا استاذ حمزه
حمزه : بس انتى لسه صغيره اوووي
احلام : اتقدم وانا هوافق علي طول
حمزه : حابب اعرف ايه هيرميكي معايا في الشقي ده وانتى لسه قدامك العمر
احلام : اكيد دي حاجه متخصكش صح ولا ايه .. انت مش عاوز تربي ابنك .. وعد منى اكون ليه زي مامته اكيد مش في نفس مقامها بس هحاول
حمزه : احنا اتقابلنـا قبل كده
احلامـ : لا معتقدتش
حمزه : لا اتقابلنـا .. ف الكافيه
احلامـ : ماخدتش بالي اسفه
فضلوا قاعدين يتكلموا وخلاص حمزه اتفق معاها يجيلها بكره البيت
وفعلا تم وجه البيت هو وصفاء
حمزه : انا حابب اطلب ايد بنت حضرتك
سحر : (بتبص بقرف وخلاص علي اخرها ) بس زي ما انت قولت دي بنت مش زي حضرتك
صفاء بصت لحمزه باحراج : بس احنا جايين علي اساس انهم الاتنين متفقين علي كل حاجه مش كده ولا ايه
حمزه : ايوه صح .. انا واحلام اتكلمنا
سحر : وانا ام يا جماعه ..ارمي ليه بنتى في بيت زي ده مع واحد متعرفهوش
حمزه : عندك حق .. احنا اسفين عن اذنك
احلام : استنوا
الحلقة الثالثه من هنا
