أدهم بلهجة الملهوف : طيب انقذهم ازاي قوليلي وانا هعمل
-وقف حماده عند حده واوقف الشر يا ادهم وحنان لازم تفضل هنا لحد اما تنهي اللي طلبته منك انت معاك العنوان روح واحنا حواليك
خرج أدهم من المقام وهو بيفكر هيعمل ايه وهيتصرف ازاي وياتري هيقدر علي حماده ولا لا
الحيره ملياه بس جواه اصرار انه مهما كان الثمن اللي هيدفعه لازم يوقف حماده عند حده حتي لو هيموت
في منزل حماده قاعد محمد وهاله وكأن محصلش حاجه وحشه معاهم وبيضحكو
محمد : ياااااه اخيرا هاخلص من كابوس حنان
هاله : وكمان امك وابوك الشيخ حماده هيريحنا منهم
حماده : طول ما انتو مطيعين وبتنفذو طلبات الاسياد كل شئ بتحلمو بيه هايتحققد
محمد رد وعينه مكسوره : ما احنا نفذنا ياشيخ حماده
ضحك حماده بصوت عالي وبنبرة مليانه خبث : لسه الاسياد مطلبوش
هاله بحيره وخوف : والطلبات هتكون عباره عن ايه
حماده : تكفرووو
محمد وهاله في صوت واحد : اييييه؟
حماده : زي ماسمعتم ولا عاوزين الاسياد يغضبو
محمد وهاله : لا لا لا هنعمل اي حاجه
حماده : طب قومو معايا نفذو شرط الاسياد
هاله : طب طب ما ما ينفعش اي طلب تاني
محمد : بس ياهاله خلي الاسياد يرضو عنا
ضحك حماده ودخل التلاته لغرفه مليانه شموع وتماثيل ولوحه كبيره لصورة شيطان
طلب حماده منهم يقلعو كل ملابسهم وقالهم بالصريح انتو في بداية مراحل عبادة السيد
هاله : مين السيد
وطي محمد علي ودنها والاتنين بيترعشو الشيطااان مش شايفه صوورته؟؟؟
داخل قسم الشرطه قاعد الظابط سرحان بيفكر في حاجه وفجأه رن تليفونه وكان رئيسه المباشر
رئيسه : جري ايه ياحضرة الظابط شكلي هاندم اني نقلتك عندك كذا جريمة قتل في منطقتك ومش عارف توصل لحاجه
الظابط : يافندم افهمني انا شغال علي القضايا وهي مسألة وقت
رئيسه بعصبيه : مسألة وقت دي ياحبيبي لما تكون وصلت لحاجه لكن انت مفيش معاك ولا خيط تمشي عليه
الظابط : ماهو. ماهو اصل يا يافندم. ماهو
رئيسه : ولا اصل ولا فصل لو مش عارف تشتغل يبقي نجيب حد مكانك وقدامك يومين لو موصلتش لحاجه تلم شنطة هدومك ونشوفلك مكان يناسبك
قفل السكه في وش الظابط وبدأ الظابط بعصبيه يضرب اي حاجه علي مكتبه وهو بيتوعد
-هوريكي ياحنان انتي والواد العره اللي اسمه ادهم ده انا متأكد انكم وش المصايب كلها
باب مكتب الظابط خبط
العكسري : فيه واحد عاوزك برا ياباشا
الظابط : مش عاوز اقابل حد خليه ييجي وقت تاني
العسكري : هو بيقول لحضرتك عاوزك في موضوع يخص قضايا القتل اللي حصلت. وبيقول اسمه ادهم اخليه يمشي؟؟
نط الظابط من فوق مكتبه وجري ناحية الباب وهو بيقوول بصوت مسموع جيت برجليك يابن الكلب ورحمة امي ماهخرجك ماشي علي رجليك
في منزل والد حنان
ابوها مرجعش البيت بقاله كتير ووالدتها في اوضتها بتبكي خايفه يكون عمل حاجه في نفسه سارحه في ملكوت ثاني مخرجهاش من تفكيرها الا تليفونها بيرن ردت علي التليفون وكان ابو حنان
-انت فين يا ابو حنان
-رد ابو حنان وصوته ممزوج بالحزن انا في المقام اسمعيني كويس انتي لما ولدتي محمد في مستشفي الناصره كان معاكي في الاوضه ست طفلها مات؟؟
-ايوووه
-ده محمد اللي مات يا ام حنان
-انا مش فاهمه حاجه
-لما ولدتي ولدك مات في الولاده والست اللي كانت في الاوضه رشت الممرضه بفلوس عشان تقول ابنها هي اللي مات ونربي ولدها
كان جاي من الحرام يا ام حنان وامه مكانتش هاتقدر تاخده ولا تربيه
-فجأه وقعت الست من طولها مخها متحملش الصدمه
في المقام واقف ابو حنان وقدامه صاحبة المقام اللي عرفته الحقيقه وعرفته ان بنته لو خرجت من المقام هتموت ولازم ينقذها والراجل بيترعش جامد ومش قادر يكتم غيظ مع خوف ماليه
-نهايتك علي ايدي يامحمد الكلب انت والكلبه بتعتك
في منزل حماده
طالع حماده وهو مبتسم ووراه هاله ومحمد عريانين وجسمهم كله بيترعش ملامحهم باين عليها الصدمه الشديده وواضح انه حصل معاهم اللي محدش يتخيله
محمد بيتكلم وصوته مرعوووش : ياريتني كنت خليت حنان قتلتني
هاله بتبصله وتبكي وفجأه وقعت من طولها مغمي عليها
محمد صرررخ : هااااله ياهااااله قومي مالك
حماده وشه وجري عليها وفضل يقلب فيها يمين وشمال وهاله بتفتح عينيها وتغمضها وكأنها مش دريانه بالدنيا
حماده جري بسرعه يجيب ميه يفوقها بيها
ومحمد ماسك ايد هاله وبيعيط : قومي ياهاله
هاله : بدأت تنزف دم اسود من مناخيرها وتقوول
ده ذنب حنان ياريتنا ماطمعنا
محمد اترعب لما شاف الدم نازل منها وحاول يمسح الدم وايده بتترعش بدأ يصرررخ. هاااااله
-عينين هاله بدأت تتفتح جامد والسواد يختفي تبقي عينيها بيضا
بشرتها بدأ لونها يتحول للون غامق بوئها اتفتح جامد وبتحاول تتكلم
ناااار ماشيه جواا جسمي. حاسه نااار بتكويني
الشيخ حماده وصل ومعاه ميه وبيقرأ عليها تعويذه ويرشها علي هاله لكن مفيش فايده
ومحمد مرعووووب
صرخة مكتومه طلعت من هاله وعينيها بتبص جامد للسقف ونور البييت بدأ يرعش واول مارجع النور ثبت كانت روح هاله خرجت في اسوأ موته ممكن كانت تتوقعها
محمد مسك في الشيخ حماده دي مااااتت ماااتت منك لله هاله ماتت بسببك
حماده : الاسياد مقبلوهاش دخلت تأدي الطقوس ومقبولهاش
محمد : بعد اما عذبتنا جوا وشفنا الرعب الوان تقول مقبلوهاااااش. ده انت اغتصبتنا انا وهي اااااه.
محمد بيصرخ ويبكي ويتكلم وماسك الشيخ حماده من هدومه وف لحظة حماده غافل محمد بضربة قويه بتمثال صغير من الحجر علي دماغه
وقع محمد علي الارض اما حماده فكتف محمد بحبال وربطه في عمود خرساني
في قسم الشرطه أدهم بينزف دم من فمه وقدامه الظابط بيقوله خلاص معلهش انا عارف اني اتغابيت عليك بس انت متأكد من اللي بتقوله يعني واحد دجال هو السبب في كل ده؟
أدهم : ايوه مناكد ولازم نتحرك بأقصي سرعه
طيب :يالا نتحرك حالا
في الطريق لمنزل حماده والد حنان ومعاه رجاله في عربيه ماشيه بسرعه جنونيه ناحية بيت حماده
والضابط معاه قوه وماشي علي نفس الطريق
الشيخ حماده في بيته باصص لمحمد وبيقول الرجاله كلهم جايين عشانك انس وجن جايين يقتلوك.
بس وصولهم في الوقت الغلط بعد اما بقيت من اتباع السيد. يامرحب بيهم
مسك حماده تليفونه واتصل بحد.
حماده : قربتي للمقام؟؟
ايوه ياشيخ حماده انا في الطربق وقربت اوصل
-طيب عاوزك اول ماتوصلي ترمي علي جسمها العمل اللي اديتهولك وتشيليها وتجيبيهالي لو مكنتش موحود اقتليها
محمد بدأ يفوق من اثر الخبطه بس كأنه بقا حد تاني
عيونه حمرا وقوي جدا لدرجة انه فك حباله لنفسه من العمود
اتحرك محمد ناحية الشيخ حماده وهو مبتسم وبيقوول
-هااااهم قادمون
بص حماده ومحمد لبعض وضحكو ضحكات خبيثه مرعبه
علي الطريق للمنزل عربيات الشرطه واهل حنان قربو والبيت علي مرمي بصرهم
بقلم/شحاته توفيق
الحلقه العاشرة والاخيره من هنا
