قصة_انتقام_محب الحلقة التاسعه وقبل الاخيره
محب لف لورا وكان واقف لوسيفر وجنبه شياطين كتيره همس لوسيفر محدش سامعه غير محب
-تعالي عشان ندي ماتت دلوقتي خلاص شوف ماتت ازاي وطفي نار انتقامك
فاكر ندي اللي عشان حبيتها بطنك اتفتحت ولولا لوسيفر خلي ست من اتباعه تكلم الاسعاف مكانتش جتلك؟
شفت سواق الاسعاف اللي من اتباع لوسيفر اللي جالك في مكان مقطوع محدش كان يتخيل انك موجود فيه وانقذك؟؟
في الوقت اللي فيه كل اللي بتحبهم خذلوك لوسيفر انقذك ماتكرهش لوسيفر من مجرد كلام تعالي وانضم للوسيفر
احمد بيشد محب عشان يدخلو بيت الشيخ
محب زق احمد جامد وبصله بغضب وعينيه مليانه دموووع وقال
-هوو صح كلكم بتكرهوني. محدش ساعدني.
احمد : انا بحبك يامحب انت زي اخويا يعلم ربنا
محب : ما انقذتنيش من الموت ليه لما انت بتحبني
لوسيفر هو اللي انقذني لف محب عشان يجري ناحية لوسيفر اللي فاتحله ايديه عشان ياخده يفتح بيه اخر بوابه
الشيخ تهامي ماسك في ايده خشبه ونزل بيها علي راس محب اللي وقع مغمي عليه
لوسيفر واتباعه كان الغضب باين عليهم واتحركو بسرعه شديده ناحية محب عشان ياخدوه
والشيخ واحمد شايلين محب بين ايديهم وبيجرو بيه
الشيخ ايقن تماما انهم ممكن ميلحقوش يدخلو البيت وبدأ الشيخ ينادي في ودن محب
حب الناس كلها
اكره لوسيفر بس. الشيطان عدونا يامحب
اوووعي تكون من اعوانه ياولدي
عشت حياتك كلها متقي ربنا وربنا هينجيك
هوا شديد وقع الشيخ واحمد علي الأرض وخبطه قويه في راسهم هما الاتنين خلتهم اغمي عليهم
لوسيفر واعوانه شالو محب بين ايديهم وطارو في الهوا
صرااااخ ستات من شرفات منازلهم بعد اما سمعو صوت صريخ في الشارع وخرجو يشوفو فيه ايه شافو شاب طاير في الهوا وطبعا مش شايفين اللي شايلينه محدش شايفهم الا محب
في مستشفي المجانين
ندي قاعدة بتفتكر اللي حصل كله وكأنها بقيت مش متزنه شوية تضحك وشوية تبكي
ماسكه في ايدها مرايه بتبص في وشها اللي اتشوه وتبكي بشدة وتقوول
محدش هيرضي بيا انا بقيت شكلي خوف
وتدخل في نوبة بكاء
في غرفتها قاعده الست اللي شكلها مرعب اللي شوهتها بتبصلها وتضحك
ندي سمعت صوت ضحكتها واتنفضت من مكانها ووقفت علي للسرير وهي بتصررررخ وتقوول
-كفاااايه حرام عليكي شوهتيني
الست بتمشي علي ايديها ورجليها وتبص لندي وتضحك
-لسه مخلصناش انا جايه اكمل شغلي الليله هاتتفتح البوابه وروحك هاتخرج ويدخل مكانها واحد من اللي طالعين من البوابه
رفعت الست كرباجها بقوووه ونزلت علي جسم ندي
صررراخت ندي وطلعت تجري لبرا والكل بيبص عليها
ندي بتبص وراها ومحدش شايف الست دي غيرها كرباجها بينزل علي جسم ندي يكويه
الكل اتلم علي ندي وهي بتصرخ بهستيريه والكل بيحاول يهدي فيها. وندي بتصرررخ
-حوشوها عني. انا اتدمرت. كفايه حوشوها
احد الممرضين : هاتولها حقنة مهدئ عشان تنام
ندي بتصرررخ اكترررر : لاااااااا اوعو تنيموني
مسك واحد منهم الحقنه وقربها لندي
وندي بتبص للحقنه وتصرخ لااااااا مش عاااااوزه انام
كرباج الست المرعبه نزل علي جسم الممرض خلاااه نط لفوق من الألم وكأن الست مش عوزاها تنام
رفع الممرض اللي بيصرخ قميصه وكان جسمه فيه علامة حرق زي اللي في وش ندي
وكأن الكل فهم فيه ايه ده كده فيه حاجه خفيه بتضربها وتضرب اللي يقرب منها
الناس كلها جريت وسابوها ومشيو
في قسم الشرطة قاعد عادل وهو زي السكران في ايديه الكلبشات وسارح في ملكوت تاني
بيرن في ودنه كلمة معتز " هاتتحبس بعد اما تقتلني '"
قصاد عادل واقف الشيطان اللي بيضربه وبيبصله من بعيد وبيضحك
عادل بيقول بصوت مسموع
-منا قتلته عاوزين مني اي
-مستني اخد روحك البوابه خلاص قربت تتفتح وجسمك هيحتاجوه اللي خارجين من البوابه وضحك ضحكة مرعبه
عادل وقف من مكانه وصرررخ : انا مبقيتش خايف منك اقتلني لو عاوز
ضربه قويه من كورباجه خلت عادل بصررخ في الوقت اللي الظابط بص لعادل وقاله
-متمثلش انك مجنون مش هترجع المستشفي تاني ريح نفسك واقعد ومتصدعناص القضيه لابساك لابساك
نده علي العسكري وقاله
-خد الاخ ووديه للمركز عشان يتحجز هناك
-بس البوكس مش هنا ياباشا
-كلبشه وخده وديه القسم القسم قريب مش بعيد ومفيهوش قلم لو فكر يهرب ارزعه العلقه التمام وخد معاك محمود المهم عندي يبات النهارده في الحجز
الناس فوقت الشيخ واحمد والشيخ قايم ملهووووف
-خدووو محب لازم نجيبه قبل مايفتحو البوابه
-بوابة ايه ياعم الشيخ
قوووم معايا بسررررعه فيه حل ويارب ينفع وهحكيلك كل حاجه في السكه
جنبهم كانت واقفه الممرضه وباين في عينيها اللهفه وانا جايه معاكم ياشيخ
وسط ذهول الناس جري التلاته للطريق العمومي ووقفو تاكسي
-ودينا مستشفي المجانين ياريس
الشيخ : هحكيلك يا احمد وانتي اسمعي كويس يا ايناس انا شفت كل حاجه في المنام لما كنت مع محب
البوابه دي عاوز يفتحها لوسيفر وعمل كل حاجه عشان يفتحها باقي يجيب واحد قلبه نقي المطلوب لوسيفر يفسد قلبه ويحوله لعابد شيطان بعدها يتدبح علي البوابة وقتها هاتتفتح
لوسيفر من فتره متابع محب وهو اللي خلي ندي تكلمه وتعلقه ييها. وهو برضه اللي وسوس لندي تتسلي بيه
وهو اللي وسوس لمعتز يبعتله رسايل ان ندي راحت شقة عادل
ووقت الخناقه هو اللي وسوس لمعتز يطعنه بخنجر
البوابه دي لازم متتفتحش بأي حل وفيه حل وحيد هتعرفوه بعدين لانهم سامعينا وحوالينا
وبص لايناس وقالها لو خايفه ارجعي
ايناس بأصرار : مستحييييل
وصل الكل للمستشفي وكانت ندي بتجري في كل مكان مرعووويه والكل بيجري منها
قرب منها الشيخ وبدأ يبص لركن الغرفه ويقرأ ايات وكأنه شايفها
الجنيه بدأت تصرخ وبعدها اختفت
مسك الشيخ ايد ندي وهي بدون تفكير معاه وركبت التاكسي
حوالين التاكسي اطياف كتييره بتحاول تدخل جواه لكن طيف باللون الازرق مانعهم. وكأن الطيف ده بيساعد الشيخ
سأل الشيخ ندي عن عادل قالتله حبسوه في قسم الشرطه عشان بيقولو قتل معتز
-اطلع بينا ياسطي علي قسم الشرطه
كان عادل مع العساكر متكلبش في ايد واحد فيهم والشيخ واحمد واقفين بعيد عن التاكسي وايناس بتقول طيب هنجيبه ازاي ده
الشيخ : مش عارف
احمد : انا عارف
جري احمد بأقصي سرررعه بعد اما غطي وشه بشال كان علي كتفه علي العسكري اللي ماشي جنب عادل وسحب بسررررعه المسدس من جيبه ووجهه لراسه
العسكرس التاني بيمد ايده يطلع سلاحه
-اووعي تطلع السلاح هفرتك دماغه وفيه ناس تانيه معايا هاتقتلك
العسكري برعب بيبص حواليه
احمد : فكه والا هتموتو فك الكلبش لو عاوزين تعيشو
العسكري وواضح عليه الخوف فك كلبشات عادل
احمد : اربطو الكلابشات في ايديكم
اخد احمد عادل وراحو ناحية التاكسي وبص للشيخ وقاله
-هانعمل ايه بعد كده ياشيخ
الشيخ : اطلع علي البيت المهجور اللي في الطريق الزراعي البوابه هاتتفتح هناك
في البيت المهجور محب واقف وحاليه كتيير من ابناء لوسيفر الكل زي مايكون بيحتفل وواحده ست بتجهز ادوات وشم وجنبها محب خالع هدومه اللي من فوق كلها
وبيبص باستغراب وبيقول -هو هاشوف ندي وهي بتموت امتي
قدام البيت المهجور وقف التاكسي ونزل منه الاربعه واتحركو ناحية مدخل البيت ولوسيفر لف فجأه لناحية الباب وهو بيصرخ في اعوااانه و........
الحلقة العاشرة والاخيره من هنا
