فتح محب الباب وكان قدامه زميله في السكن اللي اخر مره شاف فيها محب وهو نازل جري علي السلم رايح لشقة عادل يشوف ندي هناك ولا لا
كان ورا احمد زميل محب واقفه الممرضه وعلي وجهها علامات قلق واضحه علي محب اللي اترمي في حضن احمد وفضل يبكي جامد
احمد مش فاهم محب ماله اول مره يشوفه كده طول عمره متماسك
احمد : يابني مالك وشك اصفر ومخطوف وجسمك بيترعش
محب : مفيش يا احمد ده موضوع طويل هحكيهولك علي رواقه
احمد : لا يامحب احكيلي كل حاجه دلوقتي ده اخوك خارب الدنيا عليك وامك خاربه الدنيا وبتقول محب هيحالف الشيطان الحقوه
محب بدهشه : امي قالت كده؟
احمد : ايوه يامحب القلق يعمل اكتر من كده. هتسيبني كتير واقف علي الباب؟
محب : لا لا ادخل طبعا
لف احمد لورا وشكر ايناس اللي بتبص لمحب جامد ومستغربه انه بيبكي كده وليه وشه اصفر كده
بقلم شحاته توفيق
في المستشفي :
صرخات في كل مكان ناس كتيره بتجري ناحية غرفة في المستشفي
منهم اللي بيبص لجوا ويصرخ ومنهم اللي بيهرب من المنظر ومنهم اللي بيقف يتفرج
جوا الغرفه دي معتز وعادل بيصرخو وحاجه بترفعهم في الهوا وتنزلهم علي الأرض بقوه
صوت كسور مسموع
وعادل ومعتز باصين في ركن الغرفه اللي واقف فيه لوسيفر بنفسه بشكله البشع وقرونه الطويله وملامحه اللي تخلي اي راجل يترعب منه
لوسيفر اللي عاصر كل الاجيال وعارف نقاط ضعف اي انسان سايب كل حاجه ومنشغل بالانتقام لمحب للدرجه دي محب مهم بالنسباله؟
القصه خاصة بصفحة رعب للكبار فقط بقلم شحاته توفيق
معتز بيترفع من رجليه وهو بيصرخ وبيبص علي باقوميت وف لمح البصر اترمي من الهوا وقع علي دراعه اللي اتهشم خالص من قوة الوقعه
في ركن الغرفه الثاني واقف الشيطان اللي معاه الكورباج ونازل ضرب فيهم
عادل منهار وبيتجلد وبيصرخ : حقك عليا يامحب. حقك عليا انا عارف اني ظلمتك و... اااااااااااه
ضربة قويه من كورباج الشيطان كوت جلده
ومعتز ماسك دراعه اللي اتهشم وبيقوول مكانش قصدي يامحب انا كنت مفكر هعورك بس. هات سكينه وافتح بطني وموتني وانهي عذابي انا تعبت خلاص ااااااااااااه
القصه خاصة بصفحة رعب للكبار فقط بقلم شحاته توفيق
المره دي لوسيفر كان قرب من معتز ومسكه من دراعه
مكان ايد باقوميت بيحرق ذراع معتز وكأنه جمرة نار اللي مسكته ومعتز علي صرخة واحده باقوميت بصله بغل وقاله.
-عذابكم هو مفتاح البوابه الاخيره وموتكم سيفتحها علي مصراعيها
القصه خاصة بصفحة رعب للكبار فقط بقلم شحاته توفيق
دخل من برا راجل كبير في السن باين عليه التدين ومش شايف حاجه غير معتز وعادل وهما بيتعذبو
رفع ايده للسما وقاااال ياااااااااارب احمينا من الشر. يااااارب احنا عبادك وعلي دين نبيك اطرد الشر اللهم انك عفو كريم تحب العفو عنا
ارحمنا برحمتك يا الله
باقوميت ساب معتز وبص للشيخ بغل واتوتر
رجع لورا عند الحيطه والشيخ بيقوووول بصوت عالي جدا
يااااب لجأنا اليك لتنقذنا من بني الشيطان
ان كيد الشيطان كان ضعيفا
باقوميت بيجري في كل مكان في الغرفة وكأنه مش شايف قدامه وعاوز يهرب ومش عارف
جسمه بدأ يطلع دخان وكأنه هيتحرق
اما الشيطان اللي معاه الكرباج فوقع في الارض وبدأ يتهز جامد وكأنه بيتعرض لطعنات. او كهربا بتكهربه
الشيخ كمل بصوت عالي وبدأ يقرأ قرآن وباقوميت بيصرخ بصوت بشع وبيمسك الشيطان التاني ويختفي
القصه خاصة بصفحة رعب للكبار فقط بقلم شحاته توفيق
في شقة محب
احمد ماسك محب ومحب بيصرخ شويه يضحك شويه وغايب عن الوعي
احمد بيقرأ قرإن مفكر ان محب ملبوس لكن محب كان بيشوف كل اللي بيحصل مع معتز وعادل
شئ طيب جواه مخليه لما بيشوفهم بيتعذبو بيصرخ ويتألم
وشئ شرير محركاه روح الانتقام بيخليه يضحك لالمهم
ايناس جت بسرعه علي الصوت
كان وقتها محب هدي
وسكت كأنه مغمي عليه بس فاتح عينيه وبيبص بذهول
ايناس: استاذ محب ماله يا استاذ احمد
احمد : مش عارف شكله ملبوس
ايناس بلهفه : طيب انا اعرف شيخ هروح اجيبه واحي
احمد : لا لا متجيبيش حد يرتاح بس والصبح نشوف الشيخ معلهش لو هاتعبك شيليه بس معايا عشان جسمه متخشب
ايناس قربت من محب وحركت ايدها علي عضلات دراعه المفتوله وهي بتبص لملامحه وبينزل منها دموع غصب عنها وكأنها تعرفه من زمان
محب بيبصلها وهو شبه فاقد الوعي وعينيه في عينيها وكأنه تاه فيهم
رغم البلاوي اللي حاصله مع محب بس حس من ايناس بحنيه واضحه جدا
احساس واصله والاحساس عمره مابيكون كذاب
بدأ محب قلبه يدق جامد وحاجه جواه بتقول
-ازاي ملاحظتش جمالها ده كله قبل كده
يوووه هو انت في ايه ولا ف ايه يامحب. حتي لو كويس هاتحبها و هتذلك زي ندي
لا دي اكيد مختلفه انا اللي كنت مغمي عينيا عن ندي هي مكانتش بتحبني بس انا اللي كنت اعمي ومش شايف
احمد وايناس وصلو محب للسرير ونيموه
وبعد اما اتطمنو انه خلاص هينام سابوه وخرجو
القصه خاصة بصفحة رعب للكبار فقط بقلم شحاته توفيق
-ماتطفيش النور يا استاذ احمد عشان يونسه
-حاضر. بس هو حضرتك مين شايفك عارفه محب اوي
-محب لسه عرفاه من ايام في المستشفي بس كنت هاتسبب في موته بسبب غلط في شغلي وبحاول ارد جميلي
-مستشفي؟ محب كان بيعمل ايه في المستشفي هو عنده ايه
- لا ده كان جاي بطنه مفتوحه وربنا نجاه
احمد مذهول من اللي بيسمعه سكر ايناس وقفل الباب
وفضل يفكر مين هيضرب واحد طيب كدا زي محب ويقتله
طيب ايه حصل ده حتي مفيش معاه حاجه عشان نقول حرامي حاول يسرقه وضربه
صوت عالي بس غريب جه من اوضة محب خلي جسم احمد قشعر وحس بخوف شديد وجررري ناخية غرفة محب يشوف مين صاحب الصوت البشع اللي في غرفة محب
في المستشفي
-يافندم منعرفش هما اتعورو كده ازاي بس كان جن وشياطين بيوقعوهم ويضربوهم
مدير المستشفي بأسلوب قاسي: مفيش حاجه اسمها جن
الناس طلعت القمر وانت بتقول جن؟؟ لو كررت الكلمه دي هارفدك انت فاهم؟
الشباب دول كانو هيقتلو بعض حولهم لمستشفي الأمراض النفسيه يتعالجو هناك بعد ماتجبس للواد اللي اتكسر وتشوف الحروق اللي في جسمهم دي اللي عملوها لبعض دي
-اصل يافندم .......
-مش هسمعك اعمل اللي قولتهولك وبطل تخلف
انصرف الطبيب وماشي وراه شيطان كان بيوسوسله بيضحك ويرقص وكأنه عاجبه اللي قاله الدكتور
القصه خاصة بصفحة رعب للكبار فقط بقلم شحاته توفيق
صوت صرااااخ من غرفة ندي في المستشفي والكل واقف برا وندي ماشيه علي ايديها وبتصرخ
قرب منها واحد من بتوع الامن يحاول يساعدها اتعدلت ومسكت رقبته بتخنقه وهي بتضحك
واحد من الممرضين اللي شاف الشيخ بيقرأ قرآن بدأ يقرأ قرآن زي الشيخ
ندي سابت رقبة بتاع الامن وجريت علي ايديها ورجليها ومشيت علي الحيطة كأنها عنكبوت وطلعت للسقف ونطت علي الممرض اللي بيقرأ قرآن
الممرض وقع لورا وقام من مكانه والكل جري برا الغرفه وقفلوها علي ندي
ندي بتصرخ شويه وتضحك شويه الشياطين ملكو جسمها كله خلاص
جاي من بعيد مدير المستشفي وراكب فوق كتافه شيطان شكله بشع
المدير :.في اييييييه تاااني بتصوتي ليه يامتخلفه
الممرضه: البنت اللي جوا بتمشي علي ايديها العفاريت طلعت عليها
-المدير بغضب: قلنا مفيش زفت يامتخلفين
بص المدير من زجاج الباب لقي ندي قاعده في ركن الغرفه وتضحك شويه وتبكي شويه
-نده بصوت عالي علي. الممرض اللي كان معاه من شويه
-ودي كمان حولوها لمستشفس الأمراض العقليه. مش عارف ايه المصايب دي المستشفي خلاص بقت مستشفي مجانين مش مستشفي لعلاج المرضي
القصه خاصة بصفحة رعب للكبار فقط بقلم شحاته توفيق
سايهم ومشي والشيطان اللي كان فوق كتافه نزل وهو بيضحك ويرقص وكأنه نفذ المطلوب منه بنجاح بعدها جري ونط جوا الحيطه واختفي
في منزل محب
احمد لقي نور غرفة محب مطفي فتح النور وبيبص علي محب مكانش علي السرير
بص حواليه بسرعه يشوف صحبه راح فين
محب كان واقف قدام جدار الغرفه وعامل حركة عبدة الشيطان بايده وضهره لاحمد
احمد بدأ يقرب منه بحذر
-مالك واقف كده يامحب
محب مبيردش
احمد قرب اكتر من محب لحد اما مسكه من كتفه
محب بص فجأه وبصوت مش صوته خالص بصوت بشغ قال لاحمد
-انجدني يا احمد مش عاوز اعبد الشيطان
ووقع محب علي الارض
احمد قلبه اتخلع من مكانه من الرعب
نور الغرفه بيطفي وينور
كتابات بتظهر علي حائط الغرفه وواضحه جدا حتي في الظلام
لن تنقض العهد وستفتح البوابه بالكراهيه التي بداخلك
القصه خاصة بصفحة رعب للكبار فقط بقلم شحاته توفيق
احمد بيجيب عرق من كل حته مش عارف المكان اللي ملبوس ولا محب اللي ملبوس
ميل علي محب وشاله من مكانه وحطه عالسرير وشغل بتليفونه قرآن النور وقتها رجع والكتابات اللي علي الحيطان اتمسحت
جري احمد علي شقة إيناس اللي خرج والدها وكأن ايناس حكياله كل حاجه قال لاحمد اللي عرقان من جسمه كله
- اتفضل يابني ادخل
-استاذه إيناس هنا عاوزها ضروري
-اه هنا يابني وخرجت ايناس للباب
-خير يا أستاذ احمد
-احنا لازم نجيب الشيخ حاااالا
في منزل قديم في نفس الشارع راحت إيناس مع احمد وجابو الشيخ تهامي اللي اول ماطلبو منه مساعده معترضش
جه الشيخ تهامي مع احمد ودخلو البيت
بمجرد دخول الشيخ للبيت انطفي القرآن من تليفون احمد اللي في غرفة محب واصوات صراخ من كل مكان في الشقه
-اخرج والا سنقتلك
اخرج والا سنقنلك
لن تستطيع ان تفعل شئ لقد وصلت متأخرا
اخرج والا سنقتلك
بقلم شحاته توفيق
الشيخ تهامي طلب من ايناس نخرج ودخل ووراه احمد وهو بيقرأ قرآن والصراخ بيزيد ناحية غرفة محب
دخل الشيخ الغرفه وبصو عالسرير كان فاضي
بيدورو علي محب في كل ركن في الغرفه مش موجود
في سقف الغرفه محب متعلق وبيبص وبيضحك وعيونه شكلها مخيف وبيقول بصوووت وااااطي
-لقد قلنا لك اخرج والا سنقتلك انت الذي طلبت الدخول
ضحكه عاليه من محب او الشيطان اللي بيحركه وبص الشيخ واحمد علي السقف و......
الحلقة الثامنة من هنا
