#قصة_انتقام_محب. الحلقه الثامنه
بص الشيخ تهامي واحمد للسقف وقبل مايستوعبو الموقف كان محب بقفزه شيطانيه ناطط فوقهم بضربة قويه وقعت احمد في الارض
الشيخ تهامي اتفادي ضربته
محب بيتنطط في الاوضه علي ايديه وعلي رجليه ويضحك ويقووول للشيخ
-ماقولنالك اخرج
الشيخ تهامي: انت اللي هاتخرج ياملعون
جري محب علي الشيخ تهامي وباين في ملامحه الغضب
-ساخرجك من الحياه ايها القذر
الشيخ تهامي وقف ثابت في مكانه والشيطان اللي علي محب بيجري ناحيته بسرعه كبيره والشيخ واقف بكل ثقه وبيقول
-الله اكبر منك يا ابن النار
وقف محب فجأه وكأن حد مسكه ومنعه من الجري والشيخ مشي ناحيته وبدأ يتلو اية الكرسي
.
محب بيصرخ وبيحاول يجري علي الشيخ لكن باين عليه التوتر والألم
مره يمشي علي الحيطه ومره تانيه يحاول يبان متماسك ويطلع لسانه للشيخ لكنه بعدها بيرجع للصراخ تاني
قام احمد من مكانه وطلع من جيبه مطواه.
وبدأ يمشي ناحية محب اللي بقي بيعيط ويقول للشيخ بصوت متألم لكنه بشع
-اخرس ايها الحقير. ستتم المراسم وسنفتح البوابه الاخيره مهما فعلت
الشيخ بيكمل قراءة واحمد ماسك المطواه ورايح ناحية محب
الشيخ مشي علي احمد ومسكه من دراعه واحمد بيشد دراعه واضح ان الشيخ خايف يوقف قراءة
احمد شد ايده بعنف من ايد الشيخ ورفع مطوته عشان يضرب محب بيها ومحب بيبصله جااامد وبيضحك وكأنه مستنيه يضربه
لكنه الشيخ صرررخ في احمد. اووووووعي يا احمد تضربه محب اللي هيموت مش الجن اللي جواه
بمجرد توقف الشيخ عن القراءه كان محب بيمسكه من رقبته ويرفعه لفوووق
الشيخ بيختنق واحمد ماسك المطواه خائف يضرب محب عشان كده صحبه اللي هيموت مش آلشيطان
قرر ينقذ الشيخ ويسحب محب بالقوه او يتشاجر معاه
قرب من محب لكن قبل مايمسكه كان محب لف راسه بالعكس وكأنها اتقلبت لناحية ضهره وضرب احمد بضربه قويه افقدته وعيه
بص محب للشيخ بتشفي وهو بيختنق وعيونه بتنزل دموع وواضح من تصرفاته ان الاكسجين بدأ ينقص من جامد من جسمه وخلاص لحظاته الاخيره قربت
محب بيبص للشيخ ويقوله قلنا لك اخرج فرفضت والان انت بين يدي اعاقبك علي محاولتك افساد فتح البوابه الاخيره. وصوته بقا اتخن شويه وقال
لن يردعنا احد وسنفتحها.......
انفتح باب الشقه ودخلت ايناس
بتبص للشيخ وماسكه في ايدها المصحف الشريف وبتقرأ ايات قرآنيه بصوت مليان ثقه ومفيهوش خوف خلي لوسيفر اترعش وترك الشيخ
رجع لوسيفر لوضعه الطبيعي وهو انه يجري في جميع انحاء الغرفه وكأنه بيحاول يتصرف
الشيخ قام مع ايناس وبدأو يحاوطوه ويقرأو واحمد كمان قام معاهم
لوسيفر بيتكلم باصوات مختلفه
-اااااااااااه ستموتوووووون.
سامثل باجسادكم لتكونو عبره
ووقف محب يصرخ بصوت عالي وفجأه وقع علي الارض مغمي عليه
جري الشيخ علي محب وهو بيحاول يفوقه لكن محب في غيبوبه تامه. ايناس معاهم وشها مخطوف واصفر من الخوف علي محب واحمد بيقول للشيخ هو حصل ايه. ماله ياشيخ هو مات؟
الشيخ ماسك ايد محب وبيقيس نبضه
لا يابني محب عايش بس اغمي عليه اللي كانو جوا جسمه مش شويه
-انت عرفتهم ياشيخ؟؟ طب هما مين ؟؟
-مش مهم ياولدي المهم محب هينام الليلادي وبكره لازم يكون عندي
نظرات من برا الغرفه لكائنات واقفه وباين عليها الغيظ
محدش شايفهم بس هما شايفين ومتابعين الموقف
واحد منهم بيقول للتاني عاوزينو يروح للشيخ الصبح ده لو عدي عليه صبح الليلادي كل حاجه هتخلص
الشيخ بص ناحيتهم نظرة تحدي وكأنه شايفهم
الكائنات كلها اختفت
الشيخ طلب من احمد يجيب كيس ملح من المطبخ بس وهو داخل البيت يقرأ قرآن وميسكتش
احمد وهو مرعوووووب. طيب لازم الملح ده ياشيخ؟؟
-ايوه لازم ولولا مينفعش اسيب محب لوحده ثانيه كنت رحت جبته استعين بذكر الله وادخل هاته
دخل احمد وهو بيقرأ القرآن ناحية المطبخ بس من جواه مهزوز ومرعووووب فتح النور بتاع المطبخ ومسك كيس الملح وهو حاسس ان فيه حاجه حواليه ومتأكد من ده بس مش شايف حاجه
جني منهم واقف بيبص لاحمد بغل وخوف من القرآن ومراقبه وبيحاول يلاقي لحظة واحده يوقف احمد فيها قراءه عشان يفتك بيه لكن احمد استمر لحد اما وصل للشيخ
الشيخ مسك الملح وعمل مربع بحجم اول غرفه وهو بيقرأ ايات معينه وصوت صراااخ من كل مكان. خلص اول غرفه اللي فيها محب وراح للتانيه وهو بيقول لاحمد خليك مع ايناس جنب محب
-لا خليني معاك انت ياشيخ
-طب امشي ورايا ومتحاولش تطلع قدامي خالص هما غضبانين ولو مسكو حد ممكن يقتلوه
حاضر ياشيخ
رش الشيخ الملح في كل مكان في الشقه الا الحمام والمطبخ وبص لاحمد وقاله
-تحت اي ظرف من الظروف محدش يدخل الحمام ولا المطبخ هما متعلقين جوا البيت ومش هقدر احرقهم كلهم. حبستهم في الحمام والمطبخ
-طب مانمشي من هنا ياشيخ ونبات في اي شقه تانيه
هنا أأمن مكان لمحب منضمنش الاماكن التانيه شكلها ازاي
دخل الشيخ ومسك راس محب وبدأ يقرأ قرآن عشان يتاكد انه لوحده تماما ولوسيفر واعوانه خرجو منه تماما وبص لايناس وقااال يالا يا ايناس يابنتي ونيجي الصبح
احمد : لااااااا خدوني معاكم او اقعدو انتو معايا انا مش هقعد للصبح
حاول الشيخ وايناس مع احمد كتير لكنه كان مرعوب فاضطر الشيخ يكمل قعده معاه وطلب من ايناس تروح وقعد الاتنين جنب محب
صوت جاي من المطبخ وكأنه همس سامعه محب بس. بيقول
-يامحب لازم تاخد حقك من اللي كانو هيقتلوك
انت هتنام وهما مبسوطين قوم تعالي المطبخ عشان تاخد سكينه وتفتح بطنهم
محب فتح عينيه وبدأ يبص حواليه والهمس بيقوله
اضرب الشيخ واحمد وتعالي المطبخ ندي مستخبيه في المطبخ تعالي اقتلها
صوت ندي وهي بتقول محب ده أصلا عيل اهبل انا بكلمه عشان يضحكني بعبطه. بس مستحيل افكر في واحد اهبل زيه
صوت الهمس رجع تاني تعالي اقتلها في المطبخ هنا وبعدها هانقتل عادل ومعتز خلاص لحظته قربت
محب بدأت تنزل من عينيه دموع وروح الانتقام تشتعل جواه ولسه هيتحرك من علي السرير كان الشيخ بيبص ناحية المطبخ ويقووول
-اسكت ياملعون
محب بيحاول يقوم عشان يروح المطبخ
-سيبيني ياشيخ اوعي يا احمد كده ندي في المطبخ
احمد : هي باينلها ليله سودا ياعم ندي مين اللي في المطبخ ليلتك سوادا ماتقعد يامحب اشمعني بيقول المطبخ ياعم الشيخ
الشيخ : نادوله من جوا عشان ياخدوه ومسك الشيخ راس محب وفضل يقرأ في ايات قرآنيه
صوت الهمس بقا اعلي وبيقووول
-يااااا اتباعي اجتمعوووووو
خبطات في باب الشقه من برا بس اصوات خبط جامده خلت احمد يمسك في الشيخ فيه ايه ياعم الشيخ
-عشان كده قولتلك ده انسب مكان ياولدي
الشياطين محاوطه البيت
احمد : كل ده عشان ملبوس؟
الشيخ : الموضوع اكبر من كده ياولدي
ظل صوت الخبط في الباب والاصوات الغريبه حتي اذااان الفجر وبمجرد سماع اذان الفجر اختفت جميع الاصوات ونام الشيخ واحمد ومحب نوم عمييق
في مستشفي المجانين
عادل ومعتز واقفين وسط المجانين بيصرخوووو احنا مش مجانين
طلعووونا هيقتلنا هنا
طبيب من مستشفي المجانين قربلهم : لو مسكتوش هديلكم حقنه مهدئه مش ناقص صداع
رد عادل وقااال طب فك ايدينا بس انت رابط ايدينا في الروب ده ليه
عشان كاويين جسم بعض انتو الاننين لازم ايديكم تفضل مربوطه
-والله ما احنا ده محب اللي عمل كده هايقتلنا
صرررااااااخ من الاتنين علي الطبيب اللي مشي وسابهم ومعتز بيبكي زي الاطفال ويقوول هييجي ويعذبنا تاااني وعادل بيقووول هاتيجي تلاقي حد فينا مقتول من محب
ظهر لوسيفر من العدم وقرب من عادل وفك ايديه ووسوسله
-اكيد محب هيمشي وروحه تسيبنا لما معتز يموت عشان هو اللي قتله
معتز بيبص لعادل ويقوله فكني زي مافكيت نفسك ايدي وجعاااني
لوسيفر وسوس لعادل تاني. : اقتله واخلص منه عشان كل ده ينتهي وابقي اربط نفسك تاني
الفكره اختمرت في مخ عادل
فعلا ممكن يكون محب جاي عشان يقتل اللي قتله انا مقتلتوش
في ركن الغرفه شاف عادل سكينه شبه اللي معتز قتل بيها محب بالظبط
اتحرك ببطئ ناحينها لحد اما مسكها وقرب من معتز ومعتز بيبص بذهول. -هاتعمل ايه ياعادل انا صاحبك ياعادل
عادل : انت اللي قتلته وأكيد بيعمل كل ده عشان عاوزك انت
معتز : اعقل ياعادل هاتدخل السجن بدأ معتز يصرخ يمكن حد ينجده ويقووول
نزل السكينه ياعادل نزلها مش هاتستفيد حاجه غير انك هاتتحبس
ضربه قويه في بطن معتز خلت بطنه اتفتحت تماما ووقع علي الارض
قرب لوسيفر من عادل وقاله لفه في بطانيه زي ماعمل في محب وارميه من الشباك بتاع الجنينه الخلفيه محدس بيروح هناك نهائي ومقفوله ومحدش هيعرف انك قتلته
مسك عادل صديق عمره معتز والاتنين غرقانين دم ولفه في البطانيه وهو بيدخل احشائه جوا بطنه تاني ولوسيفر واقف متحمس جدا للمنطر
لوسيفر كل اما يحس عادل هايهدي يقرب منه ويوسوسله لحد اما انتهي عادل من لف معتز في البطانيه ومعتز بيحتضر ويقوله وديني مستشفي ياعادل ابوس ايدك
من الدور العاشر كان بيقع معتز وهو ملفوف جوا بطانيه وهو بيبص في اخر لحظات حياته لعادل وهو بيبص عليه وهو بيقع وجنبه واحد بقرون شكله بشع بيبصله ويضحك وقبل مايلمس معتز الارض كان ابو قرون ناطط من الشبااااك وجري ناحية جسد معتز وفي لحظة ارتطام معتز بالارض كان ابو قرون مكتف روحه وواخدها لعالمه
في المستشفي ممرض بيصرخ الحقووو الاتنين اللي اتحجزو النهارده واحد رمي صحبه من الشباك انا شفته
الغرفه اللي فيها عادل اتملت ناس كله بيبص من الشباك علي الجثه المرميه ويجري لتحت عشان لو فيها روح يلحقوها بالاسعاف
وعادل قاعد مكانه جسمه مليان دم وبيبص باستغراب كأنه خارج العالم او فاقد للوعي
بعد نص ساعه جه ظابط شرطه ومسكو عادل
-هو ده يادكتور؟
-اه هو. ومش مجنون ده عامل نفسه مجنون وقالي من شويه هاتيجي تلاقي حد فينا مقتول
عادل مصدوم ومش بيتكلم اخدوووه لقسم الشرطه واتحط في الحبس الاحتياطي
محب شاف كل حاجه حصلت مقتل معتز في حلمه. وكان بيضحك ويقوول فاضل ندي وعادل
بعدها حلم محب بأمه واقفه من بعيد وهو بيجري عليها عشان يحضنها لانها وحشاه بس امه متحركتش وبصاله بغضب
وقف محب وقالها فيه ايه يا امي
متقولش امي انت مش ابني محب ولدي عمره ما اختار طريق الشيطان
-غصب عني والله يا امي كنت هاموت هما كانو هيقتلوني
-موتك كان ارحم ابعد عن الشيطان يامحب. العنه لانه ملعون. احنا عباد الله وعايشين برحمته
لو اخترت طريق الشيطان انسانا.
صحي محب من النوم مفزووووع وكانت الساعه بقت 8 الصبح
صحي علي صوت فزعه الشيخ واحمد بص الشيخ في الساعه وقال نمنا كتير يالا بسرعه نروح بيتي لازم نوقف كل ده قبل فوات الاوان
اصوات تكسير في المطبخ ونيران بدأت تظهر في الشقه والشقه بدأت تتحترق
التلاته بيجرو برا الشقه والنار بتزيد
لوسيفر واقف في المطبخ وبيرمي اعوانه داخل الدايره بيتحرقو ويولعو نيران في المكان
جري الكل علي السلم ونط لوسيفر وأعوانه من الشباك بتاع المطبخ عشان يوقفوهم
في حارة ضيقه بيجري التلاته ناحية بيت الشيخ والشارع كله بيصرخ بس اصوات خفيه وفي لحظة وقف محب في مكانه عن الجري وصوت همس محدش سامعه غيره بيقول
- اقف عشان تشوف ندي ماتت ازاي
الشيخ وقف مذهول وبينده علي محب اللي وقف مكانه وبيسمع لصوت همس لوسيفر
لوسيفر جاي من وراه وبيقرب منه والشيخ من الناحية التانيه بيقرب عشان ياخد محب ومحب في وسطهم بيلف ناحية لوسيفر و.......
الحلقة التاسعه وقبل الاخيره من هنا
