الممرضه واقفه مذهوله من الرعب مش قادره تتحرك من مكانها ومحب بيقرب منها وبيقولها بصوت تعبان جدا : لو سمحتي عاوز اشرب انا عطشان اوي
الممرضه لسه يادوب بتحاول تتكلم وقعت من طولها في الارض مغمي عليها
وجنبها وقع محب وفقد الوعي هو التاني
من باب العنبر واقف الكل بيبص عليهم من بعيد مرعوبيين
والكل خايف يقرب منهم لحد اما واحد فيهم اتشجع شويه واتحرك ناحية الممرضه ووراه جه باقي زمايله اللي شالو الممرضه وحطوها في مكتب اما محب كان الكل خايف يقربله وهو مرمي في الارض
مدير المستشفي سمع الصوت من مكتبه وجه شاف منظر محب وزعق بصوت عالي
-انتو ازاي سايبين المريض كده يامتخلفين
احد افراد الامن
-يافندم ده مات وبعدها اتحرك لوحده شكله والعياذ بالله جن مش بني ادم
المدير بغضب: عندك اسبوع جزه وكلكم زيه شيل يامتخلف انت وهو المريض وانتي روحي هاتي الدكتور بسرعه يكشف عليه
شال الامن محب ودخلوه غرفة العنايه تاني وهو فاقد للوعي تماما وجه الدكتور وبدأ يكشف علي محب
الجرح بيلتئم بسرعه جدا ايه ده
معدل النبض وكل حاجه طبيعيه. ده مستحيل
ده لسه داخل المستشفى شبه ميت مكملش حاجه ونده بصوت عالي علي دكتور زميله
تعالي شوف المعجزه الطبيه دي
جه الدكتور التاني اللي استغرب اكتر الجرح شبه ملتئم قرب الاتنين علي محب جدا يشوفو الجرح عن قرب
فجأه
اتحرك محب والدكتورين رجعو للخلف بقوه من الخضه
محب: انا عطشان عاوز اشرب هاتولي ميه
الدكتور معاه في شنطته ازازة فيها ميه خرجها بدون وعي
محب شرب الميه كلها
شكرا
الدكاتره معلقوش ومشيو الاتنين خافو حاسين ان فيه شئ مش طييعي
بعد يوم كان جرح محب التئم تماما وملوش اثر في بطنه
صحته بقت زي البمب
بعد اذنك يادكتور خرجني من هنا
يابني المفترض تستني كام يوم كمان
انا صحتي تمام يادكتور
طب وبالنسبه لمحضر الشرطه
انا اللي ضربت نفسي
طب هكتبلك تصريح خروج
في مكتب الطبيب الممرضه بتسأله هو ازاي مات وصحي تاني يادكتور
مماتش ده حصله معجزه ممكن بس الأجهزة خرفت او حصل عطل معين
الممرضه وهي جواها شعور بالذنب بتتكلم بصوت واطي يالهوي يعني الشب كان متبهدل وبيستنجد بيا وانا سبته وكمان خوفت الناس منه
الدكتور : بتبرطمي تقولي ايه يا ايناس
الممرضه : لا مفيش انا خلاص كده هامشي خلصت الشفت بتاعي تؤمرني حضرتك ب اي خدمه؟
-لا شكرا يا ايناس
دقايق وكان الدكتور معاه تصريح الخروج ومشي محب من المستشفي وبرا المستشفي وقف محب مش عارف يعمل ايه مش هينفع يروح اي مكان الا لما يرتب نفسه وكمان من جواه نار قايده من ناحية اللي قتلوه ومش عاوزهم يعرفو انه خرج الا اما يرتب طريقة الانتقام
سرح محب وكان واقف قدام عربيه في تفاصيل محاولة قتله
نار بتغلي جواه
لما كانو كلهم بيضحكو
ولما كان بطنه مفتوحه محدش نجده.
شعور بنار بتسري جواااااه
فجأه ظهر قدامه في زجاج العربية صورة الراجل العجوز البشع
بيقوله شوفلك مكان اليومين دول وميكونش فيه حد غيرك وهاتنتقم. بس عاوزك تزود النار اللي جواك لوسيفر عاوزك كده
شكله بشع جدا والاسم اللي بيقوله بينرفز محب
وف نفس الوقت بيخليه يحس انه خايف من حاجه بس ميعرفهاش احساس بالخوف بيملكه
محب بص وراه بسرعه عشان يمسك العجوز ده ويسأله مين لوسيفر ويعرف هو ايه وبيمشي وراه ليه
لكنه ملقاش حد وراه.
ايه الرعب ده ده كان لسه قدامي في ازاز العربيه انعكاس صورته يعني المفروض واقف ورايا هو راح فين
حس محب بايد بتخبط عبي كتفه
لف بسرعه عشان يمسك العجوز ده
لقي قدامه الممرضه اللي اتخضت من رد فعله
-انا اسفه مش قصدي اخضك بس كنت عاوزه اعتذرلك عن اللي عملته معاك لما طلبت تشرب ميه
-انتي معملتيش حاجه انتي وقعتي بس
-اصل الجهاز عمل صفاره انك ميت عشان كده كنت خائفه منك
ضحك محب وهي ضحكت
-لا متخافيش عمر الشقي بقي
-هو يا استاذ محب فين اهلك محدش زارك ولاحد جه ياخدك
-محدش من اهلي يعرف انا طالب ومغترب هنا واهلي ميعرفوش حاجه
-طب هاتروح فين دلوقتي
-مش عارف بس هاشوف شقة ايجار لاني مش هينفع ارجع المكان اللي كنت قاعد فيه
-فيه في البيت اللي انا ساكنه فيه شقه فاضيه للايجار هي شكلها مش ولابد بس ايجارها حنين يا استاذ محب
-بس انا حاليا مش معايا ولا مليم
-هدفعلك اول شهر وردهولي لما تشتغل وتقبض واعتبر ده عربون اسفي لاني سبتك ومجبتش ميه ولا سندتك وكان ممكن يحصلك حاجه بسببي وبسبب خوفي
ركب محب والممرضه اتوبيس واتحركو لمكان عشواىيات ووصلو بيت قديم جدا وكانت الشقه اللي هيقعد فيها محب قديمه وشكلها يخوف. وصلته الممرضه لباب شقته واستأذنت
اول مادخل محب وقفل الباب علي نفسه سمع صوت بشع جاي من اوضة في البيت.
عرفت تختار المكان الصح يامحب
بحذر اتحرك محب لمصدر الصوت والصوت بيقول بداية انتقامك من دلوقتي بس ماتنساش العهد
اتحرك محب ناحية الغرفه اكتر بحذر
في منزل عادل
النور بيقطع وينور وصوت ضحكة مرعبه في البيت كله. ملهاش مصدر
جري عادل عشان يخرج من اوضته باب الاوضه اتقفل جامد في وشه صوت من اللا شئ بيقول
-كنت عاوز تقتلو ويعدي الموضوع بالساهل؟ هاهاهاها
اجهز ياعادل هانوريك الويل
بدأ عادل يصرخ جامد
خبطات علي باب منزله والجيزان اتلمت بس محدش قادر يدخل
في منزل ندي
ندي بتاخد شاور والصابون ماليها فجأه الميه اتقطعت
ندي مسحت عينيها من الصابون
يووووه ده وقته الميه تقطع
يامااااماااا شوفي موتور الميه حد قفله ولا ايه
صوت مخيف من وراها : انا اللي قطعت الميه
بتبص وراها تشوف فيه ايه لقت لطمه قويه علي وجهها
حد بيضربها بس مش شيفاه وببقول حاولتو تقتلوه وبينتقم
ندي كمان بتصرخ
اهلها اتلمو علي الحمام
الكل بيحاول يفتح الحمام ولكن......
الحلقة الخامسه من هنا
