#قصة_انتقام_محب الحلقه العاشرة والاخيره
لوسيفر بص لباب المنزل والشيخ واحمد بيجرو ناحيته ومن نظرة واحده الباب اتقفل وظهر مكانه حيطه ولوسيفر قال
-ابدأو المراسم بسرعه لم يتبق الا الوقت القليل
محب مسكوه اتنين من الجن وربطوه في عمود في وسط المنزل
تمثااال شكله غريب جدا وحجمه كبير واضح انه اتبني جوا البيت لانه استحاله حد يقدر يدخله البيت قدام محب اللي مربوط في العمود وتايه جداااا
احمد بيقول للشيخ
-الباب خلاص اتقفل اكيد للبيت شباك من ورا
الممرضه بتبكي ودموع بتنزل من عينيها وكأن محب ده اخوها او جوزها.
ندي واضح عليها الاعياء الشديد او جالها حاله نفسيه وعادل بيبص حواليه زي المجنون وبيقوول
-مشوني من هنا رجعوني السجن
الشيخ : اخرس ياكلب انتو السبب ببعدكم عن ربنا بهدلتو شاب ملوش ذنب
جري احمد لورا البيت وهو بيدور علي مكان يدخل منه ملقاش الا مكان واطي بس يوصلهم للسطوح
الكل وراه وهو بيتسلق لحد اما طلع وبدأ يسحبهم واحد واحد للسطوح
صوت صرخه قويه من محب ملا المكان والممرضه حطت ايدها علي قلبها وبدأت تبكي وتقول قلبي واجعني يالا ننزل
محب مربوط في العمود وحوالين التمثال اطياف كتييره بتمارس طقوس غريبه ووسطهم بني ادمين كمان
محب بيبص بنظرة غريبه وكأنه عاجبه المنظر
واحده عريانه قربت من محب وف ايدها سكينه
محب بيبص للسكينه والبنت اللي بتقرب منه ومبتسم وعينيه بتتحول للون الاسود
البنت بتقرب منه ومسكت سكينتها وبدأت تجرح محب في صدره جرح كبير
اتلم الشياطين والانس والكل بدأ يحارب عشان يوصل لدم محب ويلحسه اما محب فكان رافع رلسه لفوق وكأنه هيتحول وبيقووووول.
احسنتم الانتقاااااام وانا جاهز للانضمام
التمثال الضخم بدأ يتحرك وكأنه كائن حي ورفع ايده لفوق
منظر باب بس في الهوا ظهر واتفتح جزء منه ولوسيفر بيبص علي الباب ويضحك
كل اعوانه فرحانين جدا وبيرقصو
محب شايف قدامه ومعتز وبطنه بتتفتح بالسكينه ويموت
وشايف ندي وهي بتتعذب وتصرخ وعادل بيصرخ
محب ضحكاته بتزيد والباب بيتفتح اكتر
ورا الباب اطياف كتيره بتصرخ مستنيه تخرج
ولوسيفر بيقول حان الوقت لتنضم الينا
محب : جاهز وانتظر
علي سلم المنزل بيصرخ الشيخ في محب
اطفي نااااار انتقامك احنا عباد الله متعبدش عدوك
نظرات اتوجهت للمكان والبوابه بتتفتح اكتر وخرج منها اتنين من الاطياف بيلفو قي المكان وبيجرو ناحية جسم الشيخ
جن كتييير بيجري علي جسم الشيخ واللي معاه
تلاوات قرإنيه رجعتهم كلهم ووقفتهم مكانهم
الشيخ : فاكر يامحب لما كنت بتصلي فاكر جمال العباده
فاكر امك لما كانت بتصحيك تتسحر في رمضان وتصوم اليوم كله واحلي لحظاتك وقت الافطار
قاكر لما كنت بتتأثر وتبكي من الخوف من ربنا لما تحس انك عملت ذنب
محب عيونه رجعت لطبيعتها للحظة والبوابه بدأت تتقفل شويه
لوسيفر بيقوله : قتلوك ومحدش نجدك انا اللي نجدتك
الشيخ : ربنا اللي نجدك. واللعين ده هو اللي وسوس للكل يعملو كده
انطلق لوسيفر ناحية الشيخ عشان يقتله
الشيخ : ارجع يالعين. باسم الله الواحد الاحد احميني من شر ماخلقت
محب فاق جدا والبوابه بدأت تتقفل اكتر
ندي خرجت من ورا الشيخ.
فاكر يامحب لما كنت عاوزني اصلي وتكون معايا قي الجنه.
كنت انت اللي صح وانا اللي كنت من اتباع الملعون وخدت عقابي
سامحني يامحب
لوسيفر ارتبك اول ماسمع الكلمه دي وسلط اتباعه علي ندي لكن الشيخ بدأ يرجعهم بتلاواته
عادل كمان بدأ يصرخ وكأنه حس ان نار الانتقام هي اللي عملت كده. سامحنا يامحب
لوسيفر بدأ يصرخ اكتر والبوابه اتقفلت اكتر
محب بيبكي وبيفتكر قربه لربه وافتكر ان من صفات المؤمن انه يقدر يسامح
لوسيفر بيحاول يرجع محب وبيقووول
-بيضحكو عليك. عاوزينك ضعيف اكفر. اكفر وانضم ليا اوعي تروح للي خذلوك
محب صرخ يصوت عاااالي جدا. اسكت يااالعين
ندي وعادل بدموع الندم قربو جدا من محب. سامحنا يامحب ارجوووك تسامحنا
محب : انا مسااااامحكم انا مسااامحكم
وصرخ بصوت اعلي. ياااااارب اشهد ان لا اله الا انت استغلرك واتوب اليك
لوسيفر وكأنه اترمي جوا نار بدأ يتحرق مكانه ويصرخ والبوابه اتقفلت خالص بعد دقايق كان انتهي كل شئ
الممرضه جريت علي محب وهي بتبكي حاسه انها روحها رجعتلها
وندي جنبها بتبكي وبتبص لمحب وبتبكي
-يامحب انا موافقه نتجوز وهصلي والله هبقي كويسه وبالنسبه لوشي اللي اتشوه هشوف عمليه ترجعه انا بحبك يامحب
الممرضه بتبص مذهوووله مش معقول بعد اما اتعلقت بمحب كده يرجع لندي ده اول حد خلي قلبها يدق
وندي مستنيه الرد علي أعصابها كلمه واحده من محب هاترجعلها روحها خصوصا ان محدش هيرضي يبصلها تاني
محب : ندي انا كنت متغمي وكنت بحب فعلا واحده اسمها ندي بس كان حد تاني مش انتي انا كنت شايفك بصوره غير اللي انتي عليها
ندي بلهفه مسكت ايده : هتغير وهبقي زي ماتحب انا هعمل اي حاجه انت عاوزها
محب : مش هينفغ ياندي انا لقيت اللي شبهي ومد ايده لايناس اللي من كتر خوفها يسيبها بعد اما حبت واتعلقت كانت بتبكي
انا اخترت ايناس ويص لايناس وقال
-رغم كل اللي كنت فيه بس كنت بشوفك بحس بحاجه غريبه احساسك وصلني حتي وانا في اشد حالات التعب. صدقيني يا ايناس انا محسيتش مع ندي اي حاجه من اللي حسيته ناحينك ومتأكد انك بتحبيني لان احساسك وصلني
دموعك كنت بشوفها وعارف انك احن مخلوقه
-الشيخ شال ايده من ايدها بسرررعه. عيب الكلام ده عاوزها روح اخطبها واتجوزها وبعدين فوق الاول
وبص لايناس اللي يتضحك بفرحه كبيره اوي لدرجة انها من كتر الفرحه مش قادره تبطل ضحك
-انتي كمان امشي معايا وهو صحبه يسنده
في منزل ندي كانت بتبكي بحرقه وبتتخيل محب فعلا حاسه انها ضيعت من ايدها كنز. ملامحه وسيمه وراجل جدا عكس اشباه الرجال اللي كانت بتحبهم
قامت ندي من مكانها عشان تغسل وشها
الميه علي وشها بتزيل اثار الحروق وبتختفي وكأنها كانت مجرد علامه من طين والميه بتشيلها ووشها بيرجع لرونقه وجماله المعتاد
بصت للمرايه وهي مندهشه جدا خلاص مبقتش مشوهه كده
ولكن بعد ثانيه بضحكه ساخره قالت لنفسها
-ملوش لزمه الشكل خلاص. انا عاوزه محب انا ازاي مشوفتوش كويس انا ليه مشيت في الحياه الوسخه اللي كنت فيها ومقدرتش اخد بالي من جمال محب
ورحعت تبكي
- عادل ماسكينه اتنين عساكر وواحد فيهم بيتكلم في التليفون قبضنا علي القاتل ياباشا
المطره نازله شديده وكل العلامات اللي في وشه وجسمه الميه بتنزلها
عادل بيبص في ايده العلامات بتروح منها وبيبكي بشدة. ماخلاص حتي لو العلامات رااحت مستقبلي ضاع يااريتني ماكنت مشيت في سكة المخدرات والستات. ياريييتني كنت كويس زي محب
صفعه قويه من العسكري علي قفا عادل وهو بيقول
-متعملش نفسك مجنون قضية قتل معتز لابساك لابساك
الحدوته خلصت ماتبخلوش بقا بالتعليق برأيكم في قصة انتقام محب
القصه الجديده حولولني لشيطان من هنا
