#قصة_انتقام_محب الحلقه الخامسه
محب بيقرب للاوضه اللي سامع منها الصوت قلبه بيدق بسرعه حاسس ان فيه حاجه غلط
قدام باب الاوضه واقف محب شئ جواه بيقوله ارجع متدخلش
وفضوله مخليه مصمم يدخل وفضوله متغلب علي خوفه
فتح محب الباب ودخل حاول ينور الاضاءه لكن لمبة الاوضه مش بتنور حاول ينور بكشاف موبايله لكن التليفون فاصل شحن
لف محب عشان يخرج من اوضته وقبل خروجه بثواني الباب اتقفل
صوت انفاس من وراه بس الاوضة ضلمه كحل
الخوف اتسلل لقلب محب
الباب لما اتقفل اثبت لمحب ان خوفه وقلقو كانو صح وان فعلا فيه حاجه مش طبيعيه. وصوت الأنفاس اللي وراه ده له علاقه بالراجل العجوز اللي بيشوفه والحاجات المريبه
-صوت همس من ورا محب "هاتتعود ماتقلقش الاول هتحس بخوف وواحده واحده هتحب القعده معانا
بسرعه لف محب ناحية الصوت ورغم ان الجو ضلمه كحل بس شاف العجوز واقف قدامه
محب كان هيقع من كتر الخضه بس الراجل العجوز اللي كان بيضحك كأنه مستمتع بصريخ محب مسك راس محب بأيده مسكه قويه جدا وهو بيقول " متخافش بناخدلك حقك انا عاوزك تشوف بس عشان تعرف انك مش هتندم عشان هتنضم لنا"
محب بطريقه غريبه لقي نفسه جوا شقة عادل
صوت صراااخ عادل مالي المكان ومحب بيبص في كل حته علي مصدر الصوت لحد اما عرف الصوت جاي من انهي غرفه
جري محب ومد ايده يزق الباب لقي نفسه دخل عااادي جدا وكأن الباب مفتوح
بذهول بص علي الارض عادل واقع وبيصرخ
والباب بيخبط جامد تقريبا الجيران اتلمو علي صوته
فوق عادل واقف واحد جسمه مليان شعر وعنده قرون وله ديل قصير وماسك كرباج وبيضرب عااادل وصراااخ عادل بيزيد وضحك اللي بيجلده بيزيد برضه
سمع محب صوت كسر باب الشقه فجري عشان يستخبي لانه سمع اندفاع الجيران ناحية الغرفه اللي فيها عادل بس مش لاقي مكان يستخبي فيه
وفعلا دخل الجيران كلهم الغرفه بتاعت عادل وعادل مرمي علي الارض واحد منهم نور النور. وكان لبس عادل متقطع ومكان الكورباج سايب علامات في ضهره وكأنها حروق او كأن الكرباج ده من الجحيم
اما الناس اللي دخلت كلهم اتلمو حوالين عادل ورغم ان محب جنبهم محدش شافه خالص وكأنه شفاف
الكل شال عادل اللي جياله حاله هستيريه وبيصرخ ويشاور علي الحيطه ويقووول انجدووووني محب هايقتلني وودوه لاقرب مستشفي
محب ف لحظة لقي نفسه اتنقل مكان تاني خااالص المكان ده كان بيت ندي
قدام الحمام الكل بيصرخ حد يكسر الباب كلكم مش عارفين تفتحو باب حمام
صراأاخ جاي من برا الحمام
جري محب ناحية الحمام ودخل كأنه هوا من غير ما حد يشوفه
ندي مرميه في الارض وست شكلها بشع مليان جروح قديمه وبتضحك كأنها مستمتعه وهي ماسكه في ايدها حاجه شبه السيف وبتضرب ندي بيها كل ضربه بتنزل علي جسمها بتسيب علامة حرق وكأن السيف بيكويها
صرخات ندي بتزيد وهي بتبص برعب علي الست اللي بتتنطط لفوق وتقف علي حافة البانيو وتنزل بقوه علي جسمها
محب قلبه مقبوض من المنظر وحاسس انه عاوز يمشي بس جواه شعور حلو هو مش فاهمه
باب الحمام اتفتح وندي بتصرخ بهستيريه وتشاور علي الحائط وتقووول انجدوووني محب هيقتلني
سترها واحد من اهلها وداري جسمها بفوطه جنبها وشالوها ونقلوها لاقرب مستشفي
محب اتنقل لشقه تالته
بس المره دي ناس كتيره جوا بيت واقفين وبيقولو. استهدي يالله يابني اوووعي تعمل كده طب ارمي السكينه من ايدك
-ومعتز واقف بيبكي زي الاطفال ويقوول هاقتل نفسي احسن مايقتلني انا مش عارف هيموتني ازاي. اللي هيقرب مني هقتله هو كمان
ويرجع يبكي
ورا معتز واقف واحد عنده قرون وجسمه مليان شعر عيونه مقلوبه ولونها احمر ماسك محب من هدومه والناس بتحاول تمنع معتز من انه يقتل نفسه
معتز مسك السكينه وبدأ يمشيها علي وشه ويصررررخ بصوت عالي وكأن حاجه هي اللي بتخليه يشوه وشه
مكان السكينه مبينزلش دم ده بيسيب علامة حرق
معتز بينقل السكينه من مكان للتاني شوه وشه بايده
شاب مندفع جه من وراه وراح مكتفه ووقع السكينه من ايده والناس كلها اتلمت وهو بيعيط ويصرخ وباصص للحيطه. سيبوني اموت نفسي احسن ما محب يقتلني.
اخدوه الناس ونقلوه علي المستشفي
بقلم شحاته توفيق
محب رجع مكانه تاني بس لما رجع كان علي صرخة واحده والعجوز ماسك راسه وبيقوله الانتقام بدأ وكمان لازم تبدأ انت كمان طقوس انك تنضم لينا
تنضم لابناء لوسيفر وضحك ضحكة مقزززه
محب بيحاول يتمالك اعصابه. مين لوسيفر وهنضم ازاي ياللي مش عارفك انس ولا جن
لوسيفر هو السيد. لوسيفر هو اللي بتقولو عليه ابليس
بدون وعي وكرد فعل طبيعي قال محب؟ ايه ؟ ابليس؟ انت بتقول ايه اعوذ بالله من الشيطان الرجيم
العجوز ساب محب ورجع ييجي تلاته متر لورا. وغضب غضب شديد
محسش محب الا وقبضة قويه اتوجهت لمكان الجرح وحس بالم فظيع وصووت بيقول اياك ان تنطقها مرة اخري وجري عليه العجوز ومسك رقبته بيخنقه وبيبص بغضب شديد
مفيش مفر انت عقدت العقد والعقد بكلمه رجوعك عن العقد معناه روحك فاهم؟
صوت خبط علي باب شقة محب وف لحظة واول ماظهر صوت الخبط اختفي العجوز ورجع نور الشقه نور كأن مكانش فيه حاجه
محب حرفيا مرعووووب من اللي حصل ومش عارف اللي شافه ده حقيقه ولا حلم
صوت الخبط زي ماهو علي الباب ومحب خايف يفتح الباب بس صوت انثوي من ورا الباب بيقول استاذ محب انت هنا ولا خرجت
محب عرف الصوت ده صوت الممرضه اللي جابته هنا
فتح الباب لقاها جايبه أكل وبتقوله اتفضل اكيد جعان ومفيش اكل
محب ا: وااله ماليا نفس كتر خيرك انا مش عاوز حاجه
-مش هينفع انزل بالاكل تاني وبعدين مالك وشك اصفر كده. حاول تاكل وترتاح شويه يا استاذ محب
كان في عينيها نظزة اعجاب شديد باينه جدا من اسلوبها واهتمامها ولهفتها لكن محب كان في دماغه الف حاجه
بقلم شحاته توفيق
خد منها الاكل وجواه اصرار يعرف اللي شافه ده حقيقي ولا ايه لبس بسرعه وجري علي المستشفي اللي قريبه من بيت التلاته
خيالات حواليه ووشوش الناس بيشوفها بشكل مرعب وترجع لطبيعتها تاني
صوت الناس بتتكلم حواليه ومره واحده يظهر صوت حد بيقول ان لم تكمل المراسم ستنتهي حياتك وان اكملتها ستبدأ حياتك وستتحقق كل رغباتك
محب كان هيتجنن خلاص
حاسس ان الجن بقو حواليه في كل مكان
وصل محب المستشفي وكل تفكيره ازاي يتأكد انهم جوا ون غير ماحد يحس
دخل محب المستشفي وراح علي مكتب الاستقبال
ناس كتيره واقفه وشرطه كتيره ماليه المكان
قرب شويه ورمي ودنه ناحية مكتب الاستقبال وسمع الممرضه بتكلم صحبتها
- ده التلاته جايين متشوهين كأن حد كاوي حاجه علي النار وضاربهم بيها
-ياماما كلهم بيقولو نفس الاسم كلهم بيقولو ده عفريت محب
-- بسم الله الرحمن الرحيم ماتجيبيش سيرتهم الظابط بيقول ان محب ده واحد بلطجي وهو اللي عذبهم وقالبين الدنيا عليه حتي راحو المكان اللي عايش فيه الناس قالت مشي بقاله يومين ومحدش يعرف فين
من بعيد صوت واحده بتصرخ بصوووت عااالي. هوووو ده عفريت محب هو ده اللي عاوز يقتلنا
بص محب بسرعة ناحية الصوت لقي واحده من البنات اللي كانو ف شقة عادل ليلة محاولك قتله
محب لف نفسه استعد للجري والهرب بسرررررعه
الظابط وقف وكأنه لقي حل اللغز وشاااور للعساكر امسكوووووه بسرررررعه
صوت صرخة في المستشفي عالي جدا ومجهول مصدره بيقول ان مسه احد ستندمووون
محب بيجري بأقصي سرعه ناحية باب المستشفي وتقريبا كل اللي واقفين بيجرو عشان يمسكووووه و.....
الحلقة السادسة من هنا
