فتح عادل باب شقته وهو بيبص لوش محب اللي باين عليه القلق وعلي وشه ابتسامة سخرية
-خير يامحب ايه جابك الساعه دي
محب يتلعثم في الكلام وكأنه مش عارف يبدأ الموضوع ازاي
-معلهش لو جيت في وقت متأخر بس حد كلمني وقال ندي هنا عندك بس شكل مفيش حد هنا معلهش انا اسف لو ازعجتك ياعادل
قبل مايلف محب ويمشي عادل قال
-ااه ندي جوا مريحه شويه مع معتز
محب بصله بذهول وبكل ذهول قال
-انت بتهزر اكيد عشان قلقتك
عادل: لا ياعم ههزر ليه لو عاوزها ف حاجه ادخل قولهالها عادي ده بيت اخوك
من ورا الكراسي كل اصحاب عادل اللي مستخبيين مستنيين اللحظه المناسبه عشان يخرجو ويضحكو وهما شايفين منظر محب لما يشوف اللي فاكرها ملاك لوحدها في اوضة نوم مع راجل تاني وسكرانه
اتحرك محب بحذر ناحية الاوضه اللي شاور عليها عادل وهو من جواه مش مصدق وبيقول من جواه اكيد عادل بيهزر بس
سمع صوت ضحكه عاليه طالع من الاوضه وصوت واحده بتقول لا مش وقته خالص اصبر لا لا ههههههه
زي المجنون فتح محب الباب
عينيه مفتوحه من الصدمه مش بيتحرك باصص بذهول لندي وهي سكرانه ولبسها فاضح
ندي باستغراب: محب انت ايه اللي جابك هنا
دموع بتنزل من عيون محب بغزارة وبيقول: قولتلك عاوزك معايا وحتي لما نموت نكون في الجنه طلعتي كده
من خلف محب أصوات ضحك عاليه جدا بص محب وراه لقي كل اصحاب عادل اللي في الجامعه مع محب برضه بيضحكو ويقولو كلمات قاسيه جدا
محب اتوتر جدا وندي طالعه تجري وهي بتحاول تستر نفسها وبتصرخ فيهم كلهم سيبوووه محدش له دعوه بيه ومسكت محب من ايده هو باصصلها ومصدوم
-امشي دلوقتي يامحب وصرخت فيه قولتلك امشي من قدامهم وغور ف داهيه ومتكلمنيش تاني
ضربة قلم قويه من كف محب لوش ندي ضربة من قوتها وقعتها في الارض
جري معتز علي محب بكل غضب وجره من ايده لباب الشقه: غوور ياااد من هنا انت جاي تبوظلنا الليله وكمان يتمد ايدك علي واحده ياهلفوت احنا جايبينك نضحك عليك هاتبوظلنا الليله
ضربة من قبضة محب لفك معتز واسنان طارت من قوة الضربة ونزيف من فمه
معتز ماسك فكه وبيصرخ وكل اصوات الضحك سكتت وجري عادل وكل اصحابه الشباب واتلموا علي محب اللي مندهش من كل اللي بيحصل رغم انه موجوع محدش حاسس بوجعه وبيضربوه محب كان بيحاول يتفادي ضرباتهم الغاضبه . أما البنات فكانو كلهم بيصرخو مكانش حد متوقع ان الامور توصل لكده
من وسط الشباب دخل معتز وفي ايده خنجر ووجه ضربة قويه بالخنجر في بطن محب
بص محب بذهول مش قادر يستوعب ليه يتعمل فيه كل ده . طب هو عمل ايه في ندي عشان توصله لكده . عمره في حياته ما اذي حد منهم ليه يعملو فيه كده
مسك محب بطنه بأيده واحشائه طلعت براها وجزء منها متدلدل برا البطن
الكل رجع لورا وبيبص بخوف علي محب اللي واقف وبيلف حوالين نفسه وبيبص في وشهم واحد واحد ويرجع يبص لاحشائه والدم اللي نازل منه بعدها وقع في الارض
عادل: الله يخربيت امك يامعتز هانعمل ايه في المصيبه دي
معتز : هو اللي ضربني الاول
البنات في صوت واحد: تقوم تقتله
عادل : لو سمعت صوت واحده منكم ورحمة امي هاخليها تلحقه
وبص للشباب : هاتو بطانيه وشيلو معايا انا عارف حتة مقطوعه هارميه فيها
ندي: اه نرميه وكل واحد يروح ومحدش هيعرف ان احنا
فعلا في دقايق لفو محب اللي كان لسه فيه الروح في بطانية وعلي بعد عشر دقائق من منزل عادل في حتة صحراء مقطوعه دخل عادل جوا الصحراء بعربيته وقف ورمي محب من العربيه
محب لسه فيه الروح وبيبص علي رجليهم وهما ماشيين وراييحن يركبو العربيه وبيمد ايده ناحيتهم وبيقول متسيبونيش هنا
ليه كده ياندي ده انا حبيتك . كفايه ندي قتلتني مره متكملوش عليا انتو كمان
الكل ركب العربيه ومشيو وكأنهم مسمعوش كلمه منه
صوت حركة حوالين محب اللي خلاص فقد من جسمه دم كتير وبدأت اعراض الاحتضار علي محب
محب اتوقع ان ده ذئب او كلب مسعور وانه كده خلاص انتهي
بكل غل بدأ يبص للنجووم
لييه كده
انا ف حالي ليه يحصلي كده . ده انا حياتي كلها ماضريتش حد زليه حياتي تبقي رخيصه كده
ياريتني كنت زيهم ياريتني ارجع واوريهم كلهم الويل وابرد ناري
صوت فحيح من ورا راس محب اللي بيطلع في الروح بيقول
-طب واللي ينجدك ويخليك تعيش
محب مش قادر يتحرك ويبص علي الصوت لكن رد
: اديله عمري
-هو مش عاوز عمرك هو عاوزك تخدمه وبعد الموت روحك تكون معاه
محب بلهفه وكأنه عارف انه ممكن ف اي لحظة يموت : موافق موافق
اتحرك صاحب الصوت قدام وش محب اللي نايم علي الارض
راجل عجوز سنانه واقعه الا زوج من الاسنان لونهم اسود شكله بشع دقنه بها شعر قليل جدا وطويل مخلي منظره اكثر بشاعه
-العجوز بيقول : اخترتك من اتباعي حط ايده علي راس محب وقرب منه رائحة انفاسه كريهه جدا خلت محب حرك راسه عشان يتفاداها هل توافق ان تصبح من الاتباع؟؟
-محب : مووااافق اي طلب تطلبه هعمله بس اخد حقي
همس في ودن محب بكلام مش مفهوم مفهمش منه غير كلمة ( لوسيفر)
اختفي الراجل العجوز وشاف نووور جاي من بعيد
محب فكر انه مات وده نور جاي من الاخره
لكن سامع صوت موتور وكأنها عربيه جايه ناحيته
نزل من العربيه ناس محب مش عارف يشوف غير رجليهم وكلهم جايين علي محب بسرررعه
محب رغم خوفه من الاتفاق اللي عمله من ثواني والراجل اللي منظره بشع ده اللي واضح انه بيساعده لهدف هو عاوزو الا انه حس براااحه مؤقته اخيرا جت ناس يعني ممكن ينقذوه ويعيش
واحد منهم مسكه وحطه علي شياله وهو بيحاول يربط النزيف ومحب بيتألم وبيبص يشوف مين الناس دي كلهم ناس ميعرفهمش الا الراجل اللي واقف ورا خالص وباصص بابتسامة مخيفه وبعيون مليانه خبث قال........
الحلقة الثالثة من هنا
