رواية الجميلة والوحش ادم واحلام الجزء الثاني الفصل التاسع
في قسم الشرطه
ف مكتب ظابط شرطه اسمه محمد
الظابط قاعد ع المكتب وقصاده
راجل ف الخمسينات (ابراهيم اخو رضا ال كان شغال مع ادم زمان من 25سنه ) ابراهيم مسجون بقاله سنين بس طلب يقابل ادم ضروري
العسكري فتح الباب ودخل ووقف ب احترام
العسكري/ادم بيه عايز يدخل ل حضرتك
محمد وقف /خليه يتفضل طبعا بسرعه
ادم ودخل والعسكري مشي وقفل الباب
ابراهيم قام
محمد سلم ع ادم بترحيب وب ابتسامه/اهلا و سهلا ي ادم بيه نورتنا
ادم/اهلا بيك
وادم سلم ع ابراهيم
ابراهيم ابتسم/اهلا ب حضرتك ي ادم بيه
ادم ابتسم/اهلا بيك ي ابراهيم ..طمني عليك انت عامل ايه
ابراهيم ابتسم/انا الحمد لله ..فضل ونعمه
محمد/هسيبكم تتكلمو براحتكم وهستأذن انا..خدو راحتكم ي ادم بيه
ادم/طبعا اتفضل
محمد خرج
ادم قعد وإبراهيم قعد قصاده
ابراهيم/انا اسف أني جبت حضرتك فجأه كدا بس كنت محتاج اتكلم معاك ضروري
ادم/متقولش كدا ي ابراهيم..انت غالي عندي و كنت شغال معايا زمان من 25سنه ..قولي محتاج ايه
ابراهيم/يعلم ربنا انا بحب حضرتك قد ايه وكنت شغال معاك السنين دي كلها حبا فيك مش خوف منك ولا اي حاجه..طول عمرك شايلني انا ورضا اخويا الله يرحمه وبتعاملنا زي اخواتك ..مش انا بس والله اي حد شغال معاك كنت بتعامله كدا. و اي حاجه بنطلبها منك بتلبيهالنا ...عمر ما حد احتاجك ف حاجه وقولت لاء ..ديما ف ضهرنا
ادم/متقولش كدا ..انت عارف غلاوتك عندي انت ورضا الله يرحمه كانت قد ايه..وانا متضايق من نفسي لحد دلوقتي اني طردتك زمان من الشغل.وبسبب الموضوع دا بقيت هنا
ابراهيم/لا ابدا ي ادم بيه اوعي تقول كدا دا حقك..لما اغلط ف حاجه ف الشغل حقك تطردني ..انا ال استغبيت ورحت اشتغل مع ناس مش كويسه..وبسببهم وصلوني للسجن وال انا فيه دا
بس رغم كل دا حضرتك مسبتنيش ومن اول يوم اتسجنت فيه وانت كنت بتبعت فلوس ل ام عيالي علشان يعيشو بيها..بفضلك عرفو يدخلو مدارس.لحد ما سيف كبر وهو ال بقي بيصرف ع البيت
انا بس مش عايز اصدعك وكنت عايز اطلب منك طلب
ادم/اكيد اطلب ال انت عايزه
ابراهيم/زي ما حضرتك عارف انا هتسجن هنا بقيت عمري ..مع ان عمري خلاص مفاضلش فيه كتير ..بس انا عايز أوصيك ع ابني
وطلع صوره ل ابنه من جيبه ووراها ل ادم وكان شب ف اخر العشرينات وادم اخد الصوره
ابراهيم/ابني سيف ...من وقت ما اتسجنت وهو راجل البيت بيصرف ع اخواته ال أصغر منه من وهو 15 سنه...لاني هنا لا حول ليا ولا قوه
بس بسبب انه بيسعي يصرف ع اخواته ويلبي طلباتهم ال مبتخلصش اوقات بيوقع نفسه ف مشاكل ويحط نفسه ف خطر غصب عنه ...انا مش عايز نهايته تبقي زي نهايتي ي ادم بيه..مش عايزه يتسجن ولا يت_قتل..هو عمره ما أذي حد والله مفيش زي قلبه ولا اخلاقه ..ولا حتي يقدر يأذي نمله..هو بياذي نفسه وبس ..عايزك تاخده يشتغل عند حضرتك..يبقي تحت عينك ..شغله عندك اي حاجه . بس يفضل تحت جناحك ..لان لو سبته كدا هيضيع نفسه انا واثق..لانه مجنون وعنيد وبيعمل ال ع هواه من غير ما يخاف ع نفسه..انا عارف ان حضرتك عندك اربع عيال ربنا يخليهوملك يارب ..واخترت ان يبقي امانه عند حضرتك بالذات علشان انا عارف انك بقالك اكتر من ٢٠ سنه ماشي صح ..عارف تربي عيالك صح ..ويبصو ع الحياه من نظره مختلفه..ويعرفو الفرق بين الصح والغلط
وعارف انك هتخلي بالك من سيف ابني زي عيالك بالضبط. خليه ميغبش لحظه عن عينك ..اكنه ابنه بالضبط..انا خايف نهايته تبقي الق_تل او السجن ي ادم بيه
ادم هز راسه ب موافقه
عند سيف
ف مكان للسهر
ف الحمام
سيف متكتف من اتنين رجاله وماليين الحوض مايه وبينزلو وشه ف المايه
الشابين طلعو راس سيف من المايه وسيف بيحاول يتنفس
وفي شاب ف العشرينات واقف قصاده ومعاه اتنين من رجالته
مصطفي/نشفت دماغك..معملتش حساب التحذيرات ل حذرنهالك ..وشوف بقيت فين ي استاذ سيف
سيف بسخريه/انا اتعب وافتح المكان لوحدي بقالي سنين وانت عايز تاخد نصه ع الجاهز .علشان ابوك يبقي سعيد ال زهراني مش كدا؟
مصطفي/الله ينور عليككك
سيف ابتسم/بقولك ايه..لو متفقناش ع النسبه ال ترضيني انا يبقي كل ال بتعمله دا مضيعه للوقت
مصطفي بغضب /مش بمزاجك ..نزلوه
الشابين مسكو سيف ونزلو وشه ف المايه وسيف بيحاول يطلع بس ماسكين دماغه
شاب ف التلاتينات من صحاب سيف وشغال معاه بيحاول يحل الموضوع
الشاب /لو حضرتك شايف ان ليك حق ف المكان ممكن نتفق ع حل وسط ..لو سمحت سيبه وخلينا نتفاهم .وبعدين اكيد ابو حضرتك ميقبلش ب ال بيحصل دا
سيف تحت المايه فاتح عينه وبيشتم بغضب
مصطفي بص ع سيف/حاسس انه عايز يقول حاجه طلعوه خلينا نسمع
الشابين طلعو سيف من المايه
سيف بيحاول يتنفس/احمد ي اخويا اوعي تترجي ال واطي دا..هو كان بيجرأ يعمل كدا لولا ابوه ؟ابوه ال كان بيقعد ف وجود ابويا ف نفس المكان كان بيوطي راسه..ودلوقتي جاي يعمل نفسه راجل
احمد بيبص له بمعني اخرس عايزين نحل الموضوع
مصطفي ابتسم بسخريه/اسمع ي حبيبي الزمن خلاص اتغير .احنا دلوقتي بتليفون واحد نجيب أجل ابوك وهو ف السجن. ابويا سيد ابوك وانا دلوقتي سيدك ..فهمت؟
سيف بسخريه وبصله بغضب/طبعا طبعا معقول مفهمش يعني
مصطفي/مينفعش تكوش ع محل من المحلات ب البساطه دي
سيف/وهتعمل ايه بقي ..فهمني..هتروح ع ملهي ليلي وتعمل رقاصه ..هتعمل ايه يعني
مصطفي راحله بغضب واحمد مسكه بسرعه يهديه/بقولك ايه يالا ي **** التزم حدودك متخلنيش اخلص عليك
سيف ضحك/ الحلوه اتضايقت ولا ايه
احمد/اهدي ي مصطفي بيه لو سمحت ..اهدي..انا هتصرف ب معرفتي . و اوعدك هكلمه دلوقتي وهحل الموضوع
مصطفي بدأ يهدي وزق احمد ناحيه سيف علشان يتكلم معاه
احمد راح ل سيف بسرعه
احمد/سيف..لو كان ليا خاطر عندك وافق ع الاتفاق ووقع وخلينا نمشي من هنا
سيف بنفاذ صبر /ي حول الله ..ايه ال انت بتقول دا ي احمد
احمد/ما انت مش هتقدر تتفاهم معاهم ب وضعك دا
سيف اتنهد/ماشي ..المهم انهم غسلولي وشي كويس
وبص للشابين ال ماسكينه
سيف/ شكرا والله
احمد/كفايه ي سيف واسمع الكلام
سيف بيمثل ال تفهم وهو بينشف ودنه ب مناديل/تمام
احمد للشابين/خلاص سيبوه.ارجعو
الشابين سابو سيف
سيف بنفاذ صبر/ماشي ي تافهه هات العقد هوقع عليه
مصطفي ابتسم/برافو عليك..كدا بدأت تفهمني
واعطاله قلم وحط الورقه ع الحوض
سيف/بعد كدا هناديك شريكي صح
مصطفي /لالا..قولي ابن عمي
سيف للموجودين/الراجل قال نكته..اضحكو
مصطفي/اوعي تنسي ترجعلي القلم علشان غالي
سيف/هرجعهولك دلوقتي..اوقع بس الاول
ووقع ع الورقه
سيف /يلا وقع خلينا نشوف شغلنا..في تفاصيل كتير لازم اقولهالك
مصطفي كان هيوقع سيف مسك ايد مصطفي بسرعه وحطها ع الحوض ومسك القلم وغرزه ف ايده
مصطفي صرخ بوجع/ااااااااه
احمد بصدمه/انت عملت ايه ي سيف
شاب من شباب مصطفي كان هيروح يضرب سيف
سيف ساب مصطفي وراح ضرب الشاب روسيه والشاب وقع
مصطفي ماسك ايده وهو بيتوجع
شباب مصطفي كان هيهجمو ع سيف احمد طلع سلاح من ورا ضهره وصوبو ع رجاله مصطفي
احمد/اقفو عندكم..اياك
والشابين وقفو
سيف مسك الورقه ال وقع عليها
احمد/يلا ي سيف
سيف ل مصطفي/قلمك ف ايدك اهو متقلقش
وضحك وهو بيطلع من الحمام واحمد طلع وراه بسرعه وهو بيبص وراه بحذر
مصطفي بعصبيه وهو ماسك ايده بوجع/والله ل اربيك ي ****
سيف ماشي وبيقطع ال عقد ال وقع عليه واحمد وراه وطلعو من المكان بسرعه ورايحين للعربيه
احمد/فهمني ايه ال عملتو جوه
دا..كدا مش هيسبونا غير لما يقتلونا
سيف/خلاص اهدي حصل ال حصل ..لسه لحد ما يعالج ايده ويشتكي ل أبوه قدامهم ساعه ولا ساعتين علشان يلحقوني...بعدين هنلاقي حل للموضوع..المهم هبقي اتصل بيك انا رايح البيت اجيب كام حاجه تمام؟
ورايح للعربيه
احمد/بقولك ايه..انت هتعقل امتي
سيف بابتسامه/دورلي ع عروسه حلوه وعقلها كبير واتجوزها..يمكن اتوب
احمد ابتسم/طب يلا روح وخلي بالك
سيف ركب العربيه
(سيف ابراهيم الناصري..عنده 28 سنه .. لابس بدله سوده ..شعره اسود وعينه سوده وعنده دقن خفيفه ووسيم ومهتم ب جسمه وبلياقته ...مامته ماتت وهو 8 سنين وبباه ابراهيم اتجوز تاني ع طول وجاب بنت وولد ..ابراهيم كان شغال مع ادم الحديدي من 25 سنه وبعدين ساب الشغل مع ادم واشتغل مع ناس مش كويسه وبسببهم لبسوه ف حاجه واتسجن لانه لو مسمعش كلامهم هددوه انهم هيأذو عياله ف اضطر يوافق يلبس التهمه
ومن وقتها ادم مسبش ابراهيم و اي حاجه بيطلبها بيعملها وبيبعت فلوس ل مرات ابراهيم تصرف بيها ع الولاد بس طبعا مكانتش بتصرف ع سيف جنيه واحد لانها انانيه وبتحب عيالها بس..من وقت ما سيف تم 15 بدأ يشتغل مع الدراسه علشان يصرف ع اخواته واي حاجه يطلبوها يلاقوها لانه واخد دور الاب من وقت ما ابراهيم اتحبس..معندوش مشكله يحط نفسه ف مشاكل بس اهم حاجه اخواته يبقو شبعانين ومش محتاجين حاجه وعنده مكان للسهر يدوب الارباح بيصرف بيها ع اخواته وبيمشي حاله ب الباقي)
في شركه تصاميم الأزياء بعد الضهر
عند مكتب ليلي
واقفه قدام مليكان بتظبط عليه دريس و فريده واقفه بتتفرج بابتسامه ومنبهره
ليلي للمساعده ال واقفه جمبها وفتحت ايدها
ليلي/دبوس
المساعده حطت ف ايدها دبوس كبير
ليلي بصت ع الدبوس وبعدين بصت للمساعده
ليلي /و دا احطه فين ي حبيبتي
المساعده/م مش عارفه
ليلي بعصبيه/هاتي دبوس صغير بسرعه
المساعده حطت ف ايدها دبوس صغيره بسرعه بخوف و فريده حاولت تكتم ضحكتها
ليلي وهي بتخلص اخر لمسات ف الفستان
ليلي ل فريده /ها ي honey(عسل) ايه رايك
فريده بابتسامه وهي باصه ع الفستان
فريده /دا سؤال؟ تحفههه طبعا .تسلم ايدك
ليلي بابتسامه وثقه/طبعا تسلم ايدي ..الفستان تحفه فنيه.كدا كدا دي مش اول ولا اخر مره اعمل حاجه حلوه اوي كدا
وباست ايد نفسها و فريده ضحكت
فجأه موظفه راحت لها وهي شايله كام فستان ف ايدها
الموظفه/احط دول فين ي ليلي هانم
ليلي بصت لها/عارفه الجسر ال ف وسط البلد عند***
الموظفه /اه
ليلي/عارفه بقي المطعم ال عنده
الموظفه/ايوا
ليلي /حطيهم هناك
فريده ابتسمت
الموظفه ب استغراب/ها؟
ليلي بعصبيه/حطيهم ع الطربيزه عندك هتحطيهم فين يعني
الموظفه رمت الفساتين ع الطربيزه بسرعه وبخوف
وفريده بتحاول تكتم ضحكتها
ليلي /و دلوقتي امشي هاتيلي قهوتي ..حالا
الموظفه مشيت من قدامها بسرعه
زين راح الدور ال فيه مكتب ليلي وبيتكلم مع موظفه ومعاه ملف
وبيحاول يتجاهل وجود فريده وفريده ملاحظه تغييره
ليلي بصت ع فريده وبعدين بصت ع زين وابتسمت
زين راح لهم وف ايده ملف
زين وهو متجاهل فريده/ ليلي ..دا الكوليكشن الجديد ال هتشتغلو عليه
ليلي اخدت الملف /اوك ي بيبي
وزين مشي
وفريده كانت بتبص عليه وهو بيمشي
ليلي بصت لها وابتسمت
فريده انتبهت من نظراتها
فريده بتوتر/عن اذنك أنا هروح اشوف شغلي
ليلي شاورت لها تقف ب الهوايه ال مسكاها
فريده وقفت
ليلي شاورت لها تقعد ع كرسي المكتب
فريده بتوتر بصت ع كرسي المكتب وبعدين شاورت ع نفسها والكراسي بمعني اقعد؟
ليلي بغضب شاورت لها تقعد
فريده قعدت بسرعه بخوف
ليلي قعدت ع مكتبها وبدأت تهوي ع نفسها ب المروحه وهي بتحرك الكرسي ال قاعده عليه
ليلي/و دلوقتي عيزاكي تعترفي ...هو في حاجه حصلت بينك وبين زين
فريده/احم ..ليه بتقولي كدا
ليلي بصت لها/عارفه الجسر ال ف وسط البلد
فريده ابتسمت بتوتر/اه اكيد ..اروح ارمي نفسي من هناك صح؟
ليلي بصت لها
فريده ابتسمت بتوتر
ليلي ضحكت
ليلي/ضحكتيني والله مكنش ليا نفس اضحك
فريده ابتسمت
ليلي /بس بجد والله ايه الحصل
وبدأت تهوي ع نفسها
فريده/ ..يعني معرفش..هو بقاله اسبوع كدا متجاهلني وبيتلاشي وجودنا ف مكان واحد
ليلي /اوكايي ..فهمت ..بس هو اكيد مش قصده يتجاهلك يعني ممكن في حاجه مضيقاه .
فريده /احم ..او ممكن متخانق مع حبيبته ..بتول
ليلي ابتسمت/يعني هو زين شاب كاريزما طبعا وحلو و ناجح وكل حاجه..اي واحده تتمناه يعني..بس معتقدش بتول ف حياته ..هو مكرس كل وقته لشغله وبس .
فريده/احم ..
براحته طبعا انا كدا كدا مليش دعوه
وقامت وخدت الموبايل من جيب بنطلونها
فريده ابتسمت/هستأذن انا بقي اكمل شغلي..عايزه حاجه
ليلي/لا ي عمري تسلميلي.. بس طبعا هتجيلي اخر اليوم نشرب الكوفي صح بعد ما تخلصي شغلك
فريده ابتسمت/حاضر
وراحت تركب الاسانسير
ولقت زين ف الاسانسير كان طالع مكتبه
فريده/احم
وداست ع الزرار للدور ال هتطلعه وزين داس ع الزرار ف نفس الوقت مع فريده
زين سحب ايده من ع ايدها بسرعه
زين/اسف
فريده رجعت شعرها ل ورا/ولا يهمك
والاسانسير اشتغل
وزين كان ساكت وباصص قدامه
فريده بصتله/هو انت متضايق مني ف حاجه؟
زين بصلها/هتضايق ليه؟
فريده/مش عارفه .علشان كدا بسألك
زين/لاء انا مش متضايق..انا خايف حبيبك هو ال يتضايق من كلامنا مع بعض يعني
فريده/حبيبي!
زين/ايه هو مبيتضايقش
فريده/بس انا م
زين بمقاطعه/كدا كدا مش فارق معايا انا بقول كدا علشان ميحصلكيش مشاكل يعني
والاسانسير وصل
و زين طلع
وفريده اول ما طلعت لقت ياسين كان بيدور ع مكتبها
فريده بابتسامه/ياسو
وراحت له حضنته وزين كان واقف بيتفرج وافتكر ان دا حبيبها ال متصوره معاه ع الانستا .ومش عارف يفسر ومش فاهم هو ليه غيران ومتضايق اوي كدا ع واحده لسه عارفها من اسبوعين
ياسين بابتسامه باس راسها وهي ف حضنه/عامله ايه ي روح قلبي
فريده ابتسمت/انا كويسه انت بتعمل ايه هنا
وطلعت من حضنه
ياسين/مش انتي كلمتيني الصبح انك نسيتي الفيزا بتاعتك ومحتاجه فلوس علشان لو طلبتي حاجه ..
وطلع من محفظته فيزا
ياسين/خدي واحده من معايا لحد ما ترجعي البيت
فريده بابتسامه/شكرا ي روح قلبي
وباست خده وياسين ابتسم
وبصو ع زين ال واقف متابعهم من بعيد وكان هيمشي
فريده/زين
زين وقف
فريده /احم ..اقصد استاذ زين..ممكن تيجي ثانيه
زين راح لهم
فريده ابتسمت/عايزه اعرفك ع ياسين اخويا الصغير.و دا استاذ زين مدير الشركه وهو ال بيدربني
زين ابتسم/اخوكي !
فريده ابتسمت/ايوا هو طبعا يبان اكبر مني بس هو أصغر ب سنه
ياسين سلم عليه بابتسامه/عامل ايه ي صاحبي
زين ابتسم وسلم عليه/انا زي الفل
ياسين/خلو بالكم من فريده هنا ومتزعلوهاش ..انت متعرفش دي غاليه عند بابا قد ايه ..كان طربق الشركه دي ع دماغكم والله
زين ضحك و فريده ابتسمت
زين/لا متقلقش ..هي ف ايد امينه هنا
ياسين/طب كويس
فريده مسكت ايد ياسين بابتسامه/بالمره طالما انت جيت تعالي اوريك مكتبي و اعرفك ع ليلي هتحبها اوي اوي
ياسين/ماشي طالما هنتعرف ع ليلي ..وماله ..عن اذنك ي زين
زين/اتفضلو طبعا
وفريده اخدت ياسين ومشيو
وزين ابتسم واتنهد براحه لما عرف انه اخوها وكل السناريوهات ال ف دماغه دي غلط
عند فريده اخدت ياسين وراحو مكتب ليلي ال واقفه بتظبط الفستان ع الماليكان وليلي انتبهت ل فريده و ياسين ال داخلين عليها
فريده بابتسامه/ليلي ..عايزه اعرفك ع ياسين اخويا ..ياسين دي ليلي احسن مصممه هنا ف الشركه
ليلي بصت ع ياسين ب اعجاب
ليلي/اخوكي؟واو
ياسين ابتسمت ب اعجاب/دا انتي ال واو ..هو في حلاوه كدا
ليلي ابتسمت /ميرسي انا عارفه ان انا حلوه ..بس انت كلك زوق وجنتل
ياسين مسك ايدها وباسها/دا انتي ال قمرين والله
فريده خبطت ياسين ف كتفه
فريده بصوت واطي/لم نفسك دي أكبر منك ب اكتر من ١٠ سنين
ياسين وهو باصص لها ب اعجاب/مش مهم. انا بقدر الجمال ..مع انك ميبانش عليكي خالص
ليلي ابتسمت/بجد .يعني تديني كام سنه
ياسين ابتسم/15
ليلي ضحكت/ فعلا كلهم بيقولو لي كدا
ياسين ابتسم/معاهم حق
ليلي /فريده انا حبيت اخوكي جدا..دمه خفيف زيك
ياسين/شرف ليا والله
فريده ابتسمت
ياسين/يلا انا مضطر استأذن بقي محتاجين حاجه
فريده/شكرا ي حبيبي
ليلي/good bye baby
ياسين ابتسم/لازم اشوفك تاني
ليلي ضحكت/of course(طبعا)
وياسين مشي
عند زين اتضايق من نفسه انه فهم فريده غلط وبسبب الأوهام ال ف دماغه كان بيتجاهل وجودها لمده اسبوع ..وقرر يروح يتكلم معاها
زين راح ل فريده ال بتتكلم مع ليلي
زين/انا ا
فريده قررت تتجاهله زي ما عمل معاها ومش هتسمح له يعاملها ع مزاجه
فريده /عن اذنك ي ليلي ي حبيبتي ورايا شغل
ليلي/ماشي ي روحي
وفريده تجاهلت زين ومشيت
وزين بصلها وهي بتمشي
ليلي ابتسمت وبصت ل زين
زين /احم..هروح مكتبي
ومشي وليلي ابتسمت
عند سيف سايق العربيه وبتجاهه البيت
سيف بسخريه/قال ايه عايز نص المحل
موبايل سيف رن وكانت اخته الصغيره عندها ٢٠ سنه
سيف رد/الو
حبيبه/سيف وحشتني بقالك يومين مشغول عننا
سيف /حقك عليا والله مشغول ف كام حاجه كدا ..وانتي كمان وحشتيني انتي والاستاذ التاني ايمن..عاملين ايه
حبيبه ابتسمت/احنا كويسين الحمد لله ..انا بس كنت عايزه اطلب منك طلب
سيف/قولي
حبيبه/انت عارف اني بجهز وبجيب جهازي وحاجات ل جوازي الفتره دي..ف كنت محتاجه ٤٠ الف اجيب حاجات نقصاني
ام حبيبه من جمبها بصوت واطي
ام حبيبه/٤٠ الف ايه ي خايبه قولي ٦٠
حبيبه بصوت واطي/حرام عليكي ي ماما سيف هيجيب الفلوس دي كلها منين
سيف/متشغليش بالك انتي يقلب سيف انا هتصرف وهجيب لك ال ٦٠ الف.. ان شاء الله هكلم حد يبعتهولك النهارده
حبيبه بفرحه/بجد..قول والله
سيف/عيب يبت هو انا وعدتك بحاجه قبل كدا ومعملتهاش
حبيبه بابتسامه/لا ابدا.انا بموت فيك
سيف ابتسم/انا كمان بموت فيكي..سلميلي ع ايمن لحد ما اشوفكم
وقفل المكالمه واتنهد وبيفكر يجيب الفلوس منين اخر فلوس كانت معاه ظبط بيها حاجات ف مكان السهر بتاعه
وجاب موبايله بعت رساله لحد من صحابه يستلف منه المبلغ لحد ما يجيله فلوس
ووصل قدام البيت وكان هيروح لقي في اتنين ظباط شرطه واقفين مستنينه سيف لف وشه الناحيه التانيه ومشي بهدوء بعيد عنهم
سيف/ كدا اليوم هيتقفل صح ..كانت ناقصه الشرطه
الاتنين ظباط ماشيين وراه
وسيف ماشي فجأه لقي اتنين ظباط كمان ف وشه
سيف وقف لقي الشرطه محاصرينه
سيف اتنهد واتنين ظباط مسكو ايدو وكلبشوها
سيف/خير ..في ايه..ايه الحصل
الشرطه واخدينه ع العربيه من غير كلام
سيف/في اي ي جماعه واخدني ع فين ما تفهموني
وركبوه العربيه
سيف/لا اله الا الله...ردو عليا ع الاقل
بعد نص ساعه ف قسم الشرطه
سيف قاعد ف مكتب التحقيقات لوحده
و ادم واقف بيبص عليه بهدوء من الازاز الشفاف وجمبه ظابط
ادم شايف كل ال بيحصل جوه بس سيف مش شايف ال برا
وسيف ب زهق قام
سيف/وبعدين بقي ..ما يجو يقولو لي عملت ايه ياما يسبوني اشوف حالي
وقام بحاول يبص من الحيطه الازاز بس مش شايف حد
وقعد ع الكرسي تاني بزهق
الظابط محمد راح ل ادم ال واقف متابع سيف
محمد/جاهز ندخله ي ادم بيه؟
ادم هز راسه بموافقه
الظابط فتح الباب وادم و الظابط محمد دخلو
وسيف قام/اخيرا..ايه افراج ولا ايه همشي؟
محمد/اقعد
سيف/انا مش فاهم عايزين مني ايه ..عايزين رخصه محل لسه معملتوش اصلا..فين المحامي بتاعي.ليه مسبتونيش اتصل ب محامي
محمد/هربت من البوليس ليه؟
سيف/انا مهربتش ..غيرت مكاني بس
وقعد ع الكرسي
سيف/محبش البوليس انا ..جريمه دي ولا ايه..حاجه غريبه
محمد بغضب/اتكلم عدل ..ايه الراحه ال انت فيها دي..انا سايبك بس احتراما ل ادم بيه ال بيعز بباك
سيف بص ل ادم/انا حاسس ان انا شوفت حضرتك قبل كدا؟انت ماسك حاجه مهمه ف البلد ؟
ادم /سيبك من الكلام الفاضي دا ..عرفنا ان في كذا حد
بيطاردك وعايز يأذيك..علشان كدا بباك طلب يحميك..كدا كدا اخواتك الاتنين عايشين مع مامتهم ومعظم الناس متعرفش ان عندك اخوات ف هما ف الامان ..انت بس ال ف خطر
سيف/شكرا ي باشا والله انا مش محتاج حمايه من حد.. انا هدبر نفسي ..حتي لو هضطر اسافر ل فتره برا البلد ..عملتها كتير
محمد بغضب/قولنا اتكلم ب أدب
سيف /منا بتكلم كويس اهو ي محمد باشا..وبقولك عرفوني عملت ايه ياما تمشوني اشوف مصالحي
ادم/انت شايف انك مش محتاج حمايه يعني
سيف/نهائي
ادم/ماشي .ع راحتك
وبص ل محمد
ادم/..تعالي يلا نطلع
محمد/اتفضل طبعا ي آدم بيه
وطلعو من المكتب
سيف/طب ايه ال هيحصل معايا دلوقتي برضو محدش قالي
ادم ومحمد خرجو من غير ما يردو
وبعدين الباب انفتح وإبراهيم دخل
سيف قام ب استغراب/بابا
وراح باس ايده بسرعه
ابراهيم/اقعد
سيف /هما هيفرجو عنك ولا ايه
وقعد
وادم كان واقف برا المكتب مربع ايده وسامع وشايف ال بيحصل
وإبراهيم قعد قصاده سيف
ابراهيم بجديه/اسمع انا هقولك ايه كويس ..واحفظه ف مخك
سيف/
ابراهيم/من النهارده عايزك تبعد عن الناس ال حواليك دي سواء سعيد الزهراني او ابنه مصطفي وكل دول ..وتقطع علاقتك بيهم
سيف/بابا انت مش فاهم ا
ابراهيم بغضب/متقاطعنيش إياك تنطق ب حرف تاني
سيف هز راسه ي احترام وسكت
ابراهيم/في حاجات انت متعرفهاش ف اسكت وخليني افهمك ..دلوقتي ال قابلك من شويه مع محمد بيه راجل اعمال معروف ومهم اسمه ادم الحديدي وموجود برا ...انا بثق فيه جدا وكنت شغال معاه زمان
سيف/اه انا افتكرته..ادم بيه الحديدي اسمع عنه كتير هو معروف
بس انت عمرك ما حكيت انك كنت شغال معاه قبل كدا
ابراهيم/انا اشتغلت معاه فتره زمان.. من هنا ورايح هتنفذ كل ال هيقولك عليه..يعني انت هتبقي امانه عنده من النهارده
سيف/بابا ايه الكلام ال بتقوله دا..مش عيب ف حق احمد ال انت حاطتني امانه عنده..عايز دلوقتي تحطني امانه عند حد احنا منعرفوش
ابراهيم/انسي احمد..انت هتبعد عن كل الدوشه دي..من اللحظه دي هتسمع كلام ادم بيه اكنه كلامي
سيف/انا اسف ي بابا مش هقدر اعمل كدا ..انا مش عايز انا ابقي تحت حمايه حد وا
ابراهيم بغضب ضربه ب القلم وسيف بص ع الارض بغضب مكتوم
ابراهيم بغضب/هو انا مش قولت لك اخرس واسمع الكلام وانت ساكت..من امتي بترد ..من هنا ورايح اعتبرني مش موجود..من هنا ورايح هتسمع كلام ادم بيه..لو قالك اقعد هتقعد ..لو قالك قوم هتقوم وهتسمع كلامه وانت ساكت..ومش هتاخد نفس واحد من غير اذنه انت فاهم؟
سيف/
ابراهيم/فهمت ولالا
سيف هز راسه ب اه
ابراهيم/كويس
وقام وكان هيطلع من الغرفه
بص ل سيف ال قاعد ع الكرسي وسيف بصله
ابراهيم اتنهد وطلع من الغرفه
في شركه تصميم الأزياء عصرا
زين طلع من مكتبه
وراح مكتب يارا
يارا وقفت بسرعه ب احترام
زين بص ع فريده ال واقفه مع موظفه بتشتغل
فريده بصت له ولما لقته بيبص لها تجاهلته
يارا/اقدر اساعد حضرتك ف حاجه ي زين بيه
زين انتبه
وبص ف الساعه
زين/قولتيلي العملاء الاجانب وصلو
يارا بتوتر/احم اه لسه واصلين بس في مشكله صغيره ي زين بيه
زين بصلها/مشكله ايه
يارا بتوتر/يعني ا
زين بغضب /ما تنجزي ي لارا مفيش وقت
يارا بتوتر/هاله ال المفروض تترجم لكم مجتش النهارده
زين /نعم؟
يارا / بتصل بيها كتير ومبتردش
ادهم راح لهم
ادهم/يلا ي زين.. ليلي مع العملا ف اوضه الاجتماعات مستنيين
زين بعصبيه/انا محتاج افهم ازاي استاذه هاله متجيش الشغل النهارده وهي عارفه ان في اجتماع مع العملا الايطاليين ..مين هيترجم لنا دلوقتي
فريده كانت واقفه مع موظفه بيتكلمو ف شغل وبصت ع زين وهو متعصب
ادهم/اهدي بس ي زين والمشكله هتنحل ان شاءالله..قوليلي ي لارا مفيش اي حد هنا بيعرف يتكلم إيطالي
ليلي طلعت من اوضه الاجتماعات وراحت لهم
ليلي/وبعدين ي جماعه الناس بقالها كتيره مستنيه
ادهم/في مشكله دلوقتي ي ليلي
ليلي/ايه دا خير ايه الحصل
لارا بتوتر/ هاله ال مفروض هتترجم مش موجوده
ادهم/انا بقول نشوف اي موظفه معاها لغه تترجم لنا وخلاص
زين/وعايز اي موظفه تترجم لنا افرض طلعت أسرار الاجتماع برا
ليلي / calm down (اهدو) انا عندي الحل
ادهم/ هااا
ليلي ندهت ع فريده/honey
فريده شاورت ع نفسها/انا؟
ليلي /هو في honey غيرك ي عسوله انتي
فريده سابت باليت الالوان مع الموظفه وراحت لهم وبصت ع زين بتوتر ال باين عليه الغضب
ليلي /قوليلي ي بيبي بتعرفي تتكلمي كام لغه
فريده/انجليزي و فرنساوي و إيطالي واسباني
ادهم ب انبهار/اوففف...4 للغات وانتي ف السن دا
فريده ابتسمت/اه بابي ال كان بيشجعنا ناخد كورسات ونتعلم لغات جديده
ليلي ابتسمت/اظن كدا المشكله اتحلت.. انتي ال هتحضري معانا الاجتماع وتترجمي لنا
فريده بتوتر/انا؟ لا طبعا انا عمري ما حضرت اجتماع قبل كدا
ليلي/كل حاجه بيبقي ليها أول زي ما بيقولو ي روحي
ادهم/بالضبط..مستنيكم ف غرفه الاجتماع وياريت ننجز
ليلي/خدني معاك ي ادهوم
ادهم انكجها/تعالي ي قمر
ومشيو
يارا اتنهدت ب راحه/طب خلاص المشكله انحلت اهي
زين بصلها بغضب
يارا بتوتر وخوف/احم وانا هروح معاهم
ومشيو
فريده بصت ل زين/ملهاش داعي العصبيه دي كلها..خلاص المشكله انحلت
زين /انا اكتر حاجه بكرهها عدم الانضباط ف الشغل..و هاله دي لما تيجي حسابها معايا انا وهينخصم لها 3 ايام
فريده/تصدق فعلا انا كمان بكرهه عدم الانضباط ف الشغل..يعني مثلا اونكل سالم ومامي قالو لك انت ال هتدربني..وبقالك اسبوع مش عايز تبص ف وشي حتي ..وسايبني اسأل كل الناس الا انت لو احتاجت حاجه
زين ابتسم
فريده بتوتر رجعت شعرها ورا ودنها/ع فكره متفتكرش اني فارق معايا او عيزاك انت تساعدني بالأخص..اي موظف هيقضي الغرض عادي
يلا نروح قبل ما نتاخر عليهم
ومشيت وزين ابتسم و راح وراها
ف غرفه الاجتماع
كان قاعد زين و ادهم وليلي وفريده و 2 رجاله ايطاليين
كانو بيتكلمو وفريده قاعده بتترجم و زين كان بيقول ل فريده تقول لهم ايه وفريده بتترجم لهم الكلام ال زين وادهم بيقولو
وزين كان فخور ب فريده
ومن حين ل اخر بيبص لها ف عينها وهي تتوتر من نظراته وبترجع تكمل تاني
وليلي طبعا ف عالم موازي باصه للرجاله الايطاليين ب اعجاب وبتلعب ف شعرها
الاجتماع خلص وقامو والايطاليين سلمو ع زين و ع ادهم
وليلي سلمت عليهم بابتسامه
ليلي ب صالهم ب اعجاب/فريده ياريت تقولي لهم اننا اتشرفنا بيهم جدا جدا..وأنهم ل حسن حظهم ليلي هي ال هتعملهم الكوليكشن ال هما عايزينه..بس عادي دا شرف ليا
الرجاله الايطاليين ابتسمو لها بعدم فهم
ادهم ضحك وفريده ابتسمت و وزين هز راسه بمعني مفيش فايده
والايطاليين مشيو
ادهم قعد تاني براحه/واخيرا
ليلي قاعده و بصت لفريده/بس برافو عليكي ي فريده اللغه بتاعتك هايله
ادهم/أتفق..مشاء الله عليكي
فريده ابتسمت/شكرا
ادهم/ها بما ان الصفقه عدت ع خير..مش هنروح النهارده نسهر ونحتفل..
ليلي /وفريده طبعا لازم تيجي معانا لانها ساهمت ف نجاح الصفقه
زين ابتسم
ليلي/ولا ايه رايك ي زين
زين/اه اكيد لو هي حابه تيجي معانا
فريده/شكرا ليكم بس للاسف مش هينفع
ادهم/ليه؟
فريده/بابي مبيوافقش اروح أماكن زي دي وكمان اتاخر برا
ادهم/خلاص اديني رقمه انا أقنعه
فريده بصدمه/لاء ل سمح الله دا كدا مش هيخليني انزل التدريب تاني اصلا
ادهم ضحك/متخافيش انا بهزر
فريده ابتسمت
زين بغيره بيحاول يغير الموضوع
زين/احم ادهم ..جهزت ال ورق لل طلبته منك
ادهم/لا ملحقتش ..هروح اعمله
وقام
ليلي/انا كمان ورايا شغل..عن اذنكم
ومشيو
فريده كانت هتمشي زين قام وقفل الباب قبل ما تطلع
فريده بتوتر/احم ..في حاجه
زين/كنت عايز اتكلم معاكي شويه
فريده/غريبه يعني ..انا قولت هتكمل ف موضوع التجاهل دا شويه..مع اني مفتكرش اني غلطت ف حاجه تخليك تعمل معايا كدا و ا
زين بمقاطعه/انا اسف
فريده ابتسمت
زين بصلها ف عينها/مكنش قصدي اتجاهلك ال كام يوم ال فاتو بس ا
فريده ربعت ايدها/بس ايه..اعتذارك مش هقبله الا لما تقولي شوفت مني ايه...ولا انتي بتعاملني ع حسب مزاجك.
زين/اكيد لاء
فريده/
زين اتنهد/فكرت ياسين اخوكي حبيبك وانتي مرتبطه من غير ما تقوليلي
فريده ابتسمت
زين/ارتاحتي كدا
فريده ابتسمت/وحتي لو ياسين كان حبيبي حضرتك اتضايقت لي؟
زين بتوتر/لاء يعني مش حوار اتضايقت..انا بس ا
فريده ابتسمت/خلاص خلاص انا فهمت ..مع انك اخر واحد المفروض يتكلم عن ارتباطي بس اوك
زين/و دا ليه بقي ان شاءالله
فريده/مش حضرتك مرتبط ب استاذه بتول برضو
زين/اكيد لاء ..ولو سمعتي الكلام دا من ادهم ف هو بيحب يعصبني ويهزر هزار بايخ ف حوار بتول
فريده ابتسمت
فريده/كدا كدا براحتك مش فارقه معايا..
..محتاج حاجه تانيه ولا امشي ؟
زين بصلها
فريده بصتله بمعني أيه
زين/قبلتي اعتذاري ولا لا برضو؟
فريده ابتسمت/خلاص قبلته
زين ابتسم
فريده/عن اذنك
زين فتح لها الباب /اتفضلي
فريده ابتسمت وخرجت وزين ابتسم وخرج وراها
في الكومباوند
قبل المغرب
ف الصالون احلام قاعده
وقدامها ناهد صاحبتها من النادي وأم يحيي
وقاعد معاهم رولا وميرا
وبيشربو قهوه
و ف الجنينه يحيي بيتكلم ف التليفون
ناهد ابتسمت/لما لقيتك مبتجيش النادي بقالك كتير قلقت عليكي وقولت اطمن
احلام ابتسمت/متقلقيش انا بخير والله انشغلت شويه بس مع الولاد
ناهد ابتسمت/انتي هتقوليلي ع تعب الولاد وعمايلهم..ي شيخه دول عذاب..يحيي لوحده ومطلع عنينا مبالك بقي انتي ربنا يكون ف عونك والله
احلام ابتسمت/صحيح هما مطلعين عنينا شويه بس دول احلي حاجه حصلت لي انا وادم والله
ناهد ابتسمت/معاكي حق والله
والخادمه بدأت تحط مقبلات قدامهم
ميرا بصوت واطي ل رولا
ميرا/استاذ يحيي حبيبك جاي هنا ب صفته اي بابي لما يرجع من الشغل وشافه هنقوله ايه
رولا/قولت لك ١٠٠ مره دا مش حبيبي هروح ف داهيه بسببكم..وبعدين انا معرفش انه جاي مع مامته .بس هو كدا كدا بابي عارف يحيي وعارف انه زميلنا وصاحبنا ف النادي من واحنا صغيرين مش هيقول حاجه
احلام/بس انتي باين عليكي متضايقه
ناهد شاورت ع رولا و ميرا بمعني مش عارفه اتكلم قدامهم
احلام/ما تروحو تقعدو ف الصالون التاني كدا علشان محتاجه اتكلم مع طنط ناهد ف حاجه
ميرا وهي بتقوم/تعالي مامتك هتتكلم مع حماتك المستقبليه
رولا قامت/لمي نفسك بقي والله هموتك من الضرب قولت دي مش حماتي
وراحو قعدو ف الصالون التاني
و يحيي خلص كلام ف الموبايل وراح قعد مع رولا و ميرا
يحيي ابتسم/ازيكم ي بنات
رولا وميرا/الحمد لله
يحيي/ايه ي ميرا مش عايزه تروحي تجبيلي قهوه ولا حاجه
ميرا ابتسمت/متحاولش..مش هسيبكم لوحدكم علشان لو بابي دخل ف اي لحظه وشافكم لوحدكم انت هتتقسم نصين..انا خايفه عليك صدقني
يحيي ضحك
يحيي/متقلقيش عمي ادم مش هيقول حاجه انا صديق عيله يعني وصاحب ياسين
ف الصالون عند احلام وناهد
احلام/في ايه مالك
ناهد اتنهدت/محمود جوزي بيخوني
احلام /ايه؟ انتي متأكده
ناهد/متأكده...انا كنت شاكه في الاول...لما يجيله مكالمه يرد بعيد عني ويقول شغل..اتصل بيه ف الشغل ميردش ويقول مشغول ف الشركه..يقولي انا نازل رايح الشغل اسأل حد من الشركه عليه يقولي انه مجاش اصلا ..لحد ما اتأكدت بنفسي
احلام وناهد بتتكلم متعرفش ليها قلبها انقبض وخافت ادم يكون بيخونها..لو حصل عمرها ما هتقدر تستحمل دا
ناهد/بس انا هطلق منه ع فكره مش هقعد معاه ف بيت واحد تاني خليه يشبع بيها
احلام/انا مش عارفه اقولك ايه والله..قلبي معاكي
ناهد ابتسمت بسخريه/متقوليش حاجه انا اتعودت..حصلت منه زمان كتير بس قولت يمكن هيتغير بس لاء محدش بيتغير
ناهد ابتسمت/المهم سيبك من السيره دي انا جايه اطمن عليكي مش انكد عليكي وكنتي وحشاني بس لازم امشي
احلام /لاء تمشي فين احنا هنتغدي سوا النهارده
ناهد ابتسمت/لا والله ملوش لزوم ومش عايزه اتعبك
احلام ابتسمت/مفيش تعب ولا حاجه هما جوه هيعملو كل حاجه...وبعدين ادم شكله هيتاخر النهارده هنتغدي سوا انا وانتي والأولاد
ناهد ابتسمت/ماشي ي حبيبتي..عن اذنك هدخل التويلت
احلام/اه طبعا اتفضلي
وقامت ودخلت الحمام
واحلام كانت قاعده بتفكر ف كلام ناهد ولسه متضايقه ومش مرتاحه
وطلعت اوضتها
ورنت ع فراس
فراس/الو ي احلام
احلام/فراس ازيك
فراس/انا زي الفل انتي عامله ايه والولاد عاملين ايه
احلام/احنا بخير الحمد لله..كنت عايزه أسألك ع ادم هو معاك ف الشركه
فراس /لاء والله مشفتوش اصلا مستغرب الموظفين بيقولو له مجاش من الصبح ورنيت عليه كنسل عليا
احلام /
