رواية بيت الراوي الفصل السادس بقلم فيروز
ضحكنا شويه و رحت في النوم
معرفش نمت ازاي و لا حصل اي بس التفكير و الإجهاد النفسي مبيخلنيش انام كويس نايمه بس دماغي صاحيه و بتفكر و أقل دبه نمله بتصحيني
و اوقات العكس خالص بسبب الاكتئاب ممكن انام يوم من غير اكل و شرب ممكن اصحي اصلي و اكمل تاني و لو حد صحاني ببقا هموت و انام تاني
سمعت صوت حد بينده عليا و انا كنت فاكره انه حلم لغايه ما فوقت فعلا و قمت _ روح
رديت و انا بحاول اتحرك_ وصلنا ؟
_ اه خلاص نص ساعه
قولت اصحكي علشان نشوف هنعمل اي
_ طيب
قمت عدلت جسمي و و طلعت المرايه لقت شعري منكوش طلعت برش صغيره و لميته كحكه عشوائيه خالص
_ هنطلع علي مصر القديمه
_ عند خالك
_ بالظبط
_ لي
_ عاوزه اشوفه
و اسأل عليها
_ ماهو مش عارف
بصتله بهدوء تام _ ميعرفش بس غيره يعرف
_ مين
_ ستي
_ ستك !
ازاي و هي اكتر واحده فاكره انها ماتت
_ هطلع اكيد منها بحاجه
و بنات خالي اكيد عارفين حاجه.
_ بلاش بنات خالك مش عاوزين ناذيهم
_ محدش هيتاذي متخافش
_انا عارفه بس طلعيهم منها خالص
_ ححاول
وصلنا القاهره و طلعنا علي مصر القديمه
و صلنا علي اول الشارع لقته بيقول
_ حاولي تبقي هاديه و اجمدي شويه
مردتش و سكت
_ أركن هنا
_ حاضر
ركن و نزلنا قدام العماره
_ بقالي ١٥ سنه مجتش هنا
و انا خايفه من حاجه معرفش اي هي حقيقي
_ بتهربي من حاجه خايفه تعرفيها
في سيناريو خايفه يحصل في الواقع
_ و شكله هيحصل
مسك ايدي و مد ايده يرن علي جرس العماره _ بيت العيله _
لقت راجل كبير فتح _ عمو احمد _ حارس العماره الي شكله نساني كبرت و ملامحي كبرت حتي هو ملامحه كبرت و العجز احتلها ، نساني و انا فكراه حتي بناته الي كنا بنلعب سوا وقت ما كنا نجي نزورهم. نقعد في شقتنا _ شقه ماما كل واحد ليه شقه حتي خالاتي و جاهزين علشان الي يجي ياخد راحته
= اتفضلوا، اومروني
_ عاوزين الاستاذ خالد يا حاج قله روح و فارس جوزها
= روح
بنت الهانم الكبيره صح
اتكلمت و ابتسامه بسيطه علي وشي _ عامل اي ي عمو احمد
_ ازيك ي بنتي
اتفضلوا
دخلنا و هو هيطير من الفرح و هو بينده علي خالو
_ روح
لفيت لمصدر الصوت و انا بتفرج علي الجنينه الي ليا ذكريات كتير فيها
و المرجيحة الي انا و ماما كنا بنقعد عليها و هي بتحكيلي حدوته عن النجوم و سحرها
فلاش باك :
_ بيقولوا مع كل حد بيتولد بيتولد معاه نجمه جميله بتلمع و لما بيزعل ضوء النجمه بيقل و لما بيفرح بتلمع
_ الله
_ اختاري نجمه و انا اختار نجمه
قعدت احرك نظري علي السما و انا بتفرج عليها
شاورت علي نجمه بتلمع و شكلها جميل اوي _ اخترت دي
_ جميله اوي بس انتي احلي
قمت اتعدلت بعد ما كنت نايمه في حضنها و بتشبت في رقبتها
_ و أنتي ي مامي اخترتي اي
سكتت شويه و قالت _ انا معنديش نجمه
_ لي
_ علشان اختفت
_ اختفت لي
_ علشان حد ..
مش مهم يلا علشان الجو سقع خالص
_ طب استني اختارك واحده
_ ماشي
شاورت علي واحده _ دي
باستني من خدي و دخلنا ....
باك :
_ روح
_ ايه
_ مركزه في اي
_ و لا حاجه
_ متستلميش للذكريات دلوقتي علشان متتعبيش لغايه ما نجاوب علي كل الي جواكي علشان متااذيش
_ حاضر
_ روح
_ خالو
جريت عليه و حضني اوي
_وحشتني ي غاليه
_ و لو كنت غاليه تفضل كل دا متسالش علينا
_ حقك عليا
_الي حصل حصل خلاص
راح ناحيه فارس و سلم عليه _ ازيك يا بشمهندس
_ ازي حضرتك ي عمو
_ الحمد لله والله
في اخواتك
_ في اسكندريه ي خالو علشان الدراسة مره تانيه اجبهم
_ كل تأخيره فيها خيره يلا جوا الجو هوا اتفضلوا
